மீன் தான். ஆனால் உடம்பில் பேட்டரி இருக்கிறது. புளுக்கள் பிடிக்காது. 🙂
என்னை SoFiஐ அறிமுகம் செய்ய அனுமதியுங்கள். சோஃபி (Sophie) போல ஆனால் Soft Robotic Fish என்பதன் சுருக்கம். SoFi MIT விஞ்ஞானிகளால் அறிமுகம் செய்யப்பட்டது.
SoFi போன்ற ரோபோடிக் மீன்கள் கடல் வாழ் உயிரினங்களை மனிதன் ஏற்படுத்தும் அழிவிலிருந்தும் தட்ப வெட்ப மாற்றங்களினால் அழிவின் விளிம்பிலிருக்கும் உயிரினங்களையும் பாதுகாக்க உதவும். ஒன்றரை அடி நீளம் உள்ள இந்த ரோபோட் மீன் ஒரு நொடிக்கு முக்கால் அடி நீளம் நீந்தக் கூடியது. மேலும் அறுபது அடி ஆழம் வரையும் நீந்தும். இது பயாலஜிஸ்ட்களுக்கு ஒரு மீனின் பார்வையில் மாறிக் கொண்டிருக்கும் கடல் வாழ் உயிரினங்களை லைவ்வாகக் காட்டும்.
எம் ஐ டி விஞ்ஞானிகள் டைவிங் மீதான காதலையும் ரோபோட்டிக்ஸ் மீதான காதலையும் ஒன்றிணைத்து இந்த ரோபோவை உருவாக்கியிருக்கின்றனர். தொடர்பு சாதனங்களை உருவாக்குவதுதான் கடினமான வேலையாக இருந்தது என்று குழுவின் தலைவர் ராபர்த் ஹட்ஸ்மேன் கூறுகிறார். தொடர்புக்கு பொதுவாக கேபில் வேண்டும், ஏனென்றால் ட்ரோனில் (பறக்கும் ரோபோட்டுகள்) பயன்படுத்தப்படும் ரிமோட் சிக்னல் தண்ணீரில் வேலை செய்யாது. ஆனால் ஒலி அலைகள் வேலை செய்யும்!
ஆராய்ச்சிக் குழுவினர் டைவருக்கும் (நீந்துபவர்) ரோபோட் மீனுக்கும் இடையே உயர் சுருதியில் ஒலி அலைகளை அனுப்பினர். ஒரு சிஸ்டம் அதை டீகோட் செய்து நீந்துபவருக்கு தகவல் அனுப்பும். SoFi இப்பொழுது நீந்திக் கொண்டிருக்கிறது என்று. அல்லது இருபது டிகிரி திரும்பவும் என்று SoFiக்கோ நீந்துபவரிடமிருந்து உத்தரவு கொடுக்க முடியும்.
வீடியோ பார்க்க இங்கே க்ளிக்கவும்.
குரல்வலை 