IPL – விசில் போடு – 1

-ஹரிஹரன்

1

IPL a.k.a The Great Indian Circus has finally begun. ஒன்றரை மாத திருவிழா நாளை முதல் ஆரம்பம்! பதினோரு மாதமும் ஒரே அணியாக, இந்திய அணியாக, விளையாடிய வீரர்கள் வெவ்வேறு அணியாக, மற்ற நாட்டவருடன்வி ளையாடும் வித்தியாசமான போட்டி. குரங்கு என “அன்பாக வர்ணித்த” ஹர்பஜனும் சைமசும் கட்டித்தழுவி வெற்றியை கொண்டாட, அதை பார்த்து ரசிகர்கள் அதிர்ச்சியடைய வைத்த போட்டி. இந்தியனாக இருந்து சென்னை சூப்பர் கிங்சாக உருமாரி பின் இந்தியனாக மறுபடியும் பரிணாம வளர்ச்சி தரும் போட்டி.

ydrdo_sk_400x400513950112345151173.jpg

என்ன சார், அப்படி என்னதான் இருக்கு இந்த போட்டியில்? After all, it’s another T20 game என்று நீங்கள் நினைத்தால், sorry sir, you may be wrong என்று தான் சொல்லத் தோன்றுகிறது. இந்த பத்து வருடத்தில் எவ்வளவோ சர்ச்சைகள். இருந்தாலும் பார்போரின் எண்ணிக்கைக்கு என்னவோ குறைவில்லை. அரங்கம் முழுவதும் பார்வையாளர்கள், வண்ண விளக்குகள், those beautiful cheerleaders, ஒவ்வொரு விக்கட்டுக்கும் பவுண்டரிக்கும் ஆர்பரிக்கும் ரசிகர்கள், கடைசி ஓவரில் தன் அணி வெற்றி பெருமா என்ற ஏக்கத்துடன் நகத்தை கடிக்கும் அணியினர், என சுவாரசத்தியர்க்கு பஞ்சமில்லை.

ஒரு வேளை திருவள்ளுவர் இருந்திருந்தால் சிக்சர் அடித்து வாழ்வாரே வாழ்வார் மற்றவரெல்லாம் சிங்கள் அடித்து சாவார் என்று ஒரு குறள் IPL பற்றி ஸ்பெஷலாக பாடியிருக்கலாம்.

அதெல்லாம் ஒகே, என்ன ஸ்பெஷல் இந்த வருடம்?

சூதாட்ட சர்ச்சையால் இரண்டு வருட வனவாசத்திற்க்கு பிறகு சென்னை சூப்பர் கிங்சும், ராஜஸ்தான் ராயல்சும் களமிளங்குகிறது. வருட தொடக்கத்தில் நடைபெற்ற ஏலத்தித்திற்கு முன்பே ஓவ்வொரு அணிக்கும் மூன்று வீரர்களை தக்க வைக்க சந்தர்ப்பம் கொடுக்கபட்டது. No prizes for guessing – சென்னை அணி “தல” தோனியையும், “சின்ன தல” ரெய்னாவையும், “சர்” ஜடேஜாவையும் தக்க வைத்தது.

ஏலத்தின் முதல் நாளில் இது சென்னை சூப்பர் கிங்சா? இல்லை சென்னை சீனியர் கிங்சா?

 

என்ற கேள்வி வராமல் இல்லை. ஏலத்தில் எடுத்த அத்தனை வீரர்களுக்கும் 32 வயதுக்கு மேல். மற்ற அணியினர் வளர்ந்து வரும் வீரர்களை வாங்க, சென்னை சீனியர்களின் மீது முதலீடு செய்தது. இரண்டாவது நாளில் தலை கீழ். இருந்த பணத்தில் நிறைய uncapped வீரர்களை வாங்கியது. இவர்கள் மாவட்ட அளவிலோ மாநில அளவிலோ விளையாடும் வீரர்கள்.

இதனூடே காவிரி பிரச்சனையினால் கொந்தளித்து கொண்டிருக்கும் தமிழகத்தில் போட்டியை நடத்தவிட மாட்டோம் என்று சில அமைப்புகள் வேறு.

கண்ணாடிய திருப்பி வச்சா எப்படி ஜீவா வண்டி ஓடும் என்று கேட்கத்தான் தோன்றுகிறது.

 

எது எப்படியோ ரசிகர்களுக்கு இன்னும் ஒன்னறை மாததிற்க்கு பொழுது போக்க பஞ்சமில்லை. இது விளையாட்டே அல்ல ஒரு entertainment package என்று நீங்கள் நினைத்தாலும் சரி, என் அணி என் உரிமை என்று நீங்கள் நினைத்தாலும் சரி, IPL is here to stay.

சர்வதேச அளவில் இந்த போட்டிக்கென ஒவ்வொறுவருடமும் ஒரு கால அட்டவனையை உருவாக்க ஐசிசி திட்டமிட்டளுள்ளது. வர்த்தகரீதியில் ஒரு வருடத்தில் ஐந்தாயிரம் கோடி வருமானம் என இதன் வளர்ச்சியோ வாயை பிளக்க வைக்கிறது.

நாளை முதல் போட்டியில் சென்னை அணி தன் பரமவைரியான மும்பை அணியுடன் மோதுகிறது. தல பழைய கெத்துடன் திரும்புவார் என்று ஏக்கத்துடன் காத்திருக்கும் ரசிகர்களோடு

விசில் போடுவோம்


ஹரிஹரன்: சொந்த ஊர் சென்னை. படித்தது கோவையில். வேலை சிங்கையில். வேலை நேரம் போக நாடி நரம்பில் ஊறியிருப்பது கிரிக்கெட். நாவல், சிறுகதையிலும் சிறிது நாட்டம். விருப்பி வாசிப்பது Sidney Sheldon மற்றும் இந்திரா சொளந்திரராஜன்.

 

சென்னை ட்ரெக்கிங் க்ளப் நிறுவனர் பீட்டர் முன் ஜாமீன் கேட்டு மனு

அந்த மிகவும் துரதிர்ஷ்டமான குரங்கனி ட்ரெக்கிங்கை ஏற்பாடு செய்த சென்னை ட்ரெக்கிங் க்ளப்பின் நிறுவனர் பீட்டர் சென்னை உயர்நீதி மன்றத்தின் மதுரை கிளையில் முன் ஜாமீன் கேட்டு மனு செய்திருக்கிறார்.

குரங்கனி போலீஸ் அவர் மீது எஃபையார் பதிவு செய்து, முதல் குற்றவாளியாக சேர்த்து, கீழே கொடுக்கப்பட்டுள்ள செக்‌ஷன்களில் வழக்குப் பதிவு செய்திருக்கிறது:

  • செக்‌ஷன் 174
  • செக்‌ஷன் 336 (அடுத்தவர்களுடைய பாதுகாப்புக்கும் உயிருக்கும் கேடு விளைவிக்கும்படி நடந்து கொள்வது)
  • செக்‌ஷன் 337 (அடுத்தவர்களுடைய பாதுகாப்புக்கும் உயிருக்கும் கேடுவிளைவுக்கக் கூடிய தீங்கை செய்வது)
  • செக்‌ஷன் 338 (மிக மோசமான காயங்களை ஏற்படுத்தி அதன் மூலம் உயிருக்கும் பாதுகாப்புக்கும் கேடுவிளைவிப்பது)
  • செக்‌ஷன் 304(2) (கொடூரமான கொலை ஆனால் திட்டமிடப்பட்ட கொலை அல்ல)

சம்பவம் நடந்த அன்று போடி காவல் நிலையத்தில் போடப்பட்ட எஃபையாரில் பிரபு அளித்த வாக்குமூலத்தின் பேரில் யாரும் இந்த சம்பவத்திற்கு பொறுப்பில்லை என்றே இருந்தது என்றும் கூறியிருக்கிறார்.

அவர் மேலும் சென்னை ட்ரெக்கிங் க்ளப் ஒரு தன்னார்வக் குழு, உறுப்பினர் சேர்க்கைக்கு யாரிடமும் பணம் வாங்கவில்லை என்றும் கூறியிருக்கிறார்.


மேலும் ஒருவர் பலி

மேலும் மார்ச் 11இல் நடந்த குரங்கனி தீ விபத்தால் பாதிக்கப்பட்ட ஒருவர் கடந்த புதன் கிழமையன்று காலமானார். இறப்பு எண்ணிக்கை 23ஆக உயர்வு.


பீட்டர் ஒரு ஃபிட்னஸ் பிரியர். ஆயிரம் ஆயிரம் இளைஞர்களை ஓடவும் நீந்தவும் மலை ஏறவும் ஊக்குவித்தவர். சென்னையில எங்க பாஸ் நீந்தறது? எங்க ஓடுறது? மலை ஏறுவதா சான்சே இல்லை என்று சொன்னவர்களுக்கு மனது இருந்தால் மார்க்கபந்து என்று செய்து காட்டியவர்.

குப்பைகளை கார்பரேஷன் கிளீன் செய்கிறதோ இல்லியோ இவர் க்ளீன் செய்தார். அடையார் ஆறாகட்டும், சென்னை கடற்கரையாகட்டும், நீர் நிரம்பிய குவாரிகளாகட்டும் இவர் அள்ளிய குப்பைகள் ஏராளம்.

படம்: சென்னை ட்ரெக்கிங் க்ளப் ஃபேஸ்புக் பேஜ்

இரத்த தானத்தை ஒரு பிரச்சாரமாகவே செய்து உறுப்பினர்களை ஊக்குவித்து தானம் செய்ய வைத்தவர். கடந்த சென்னை வெள்ளத்தின் போது கடுமையாக உழைத்து மக்களை கரையேற்றினார். மக்களுக்கு மறந்து போன உடல் உழைப்பை மீண்டும் கற்றுக்கொடுத்தவர். இந்த வழக்கிலிருந்து மீண்டு வருவார் என்று நம்புவோம்.

சவரக்கத்தி – ஒரு நிமிட பார்வை

மிஷ்கினின் லேட்டஸ்ட் படம். ஆனால் இதில் டைரக்டரில்லை. நடிகன்.அவரிடம் அசிஸ்டெண்டாக இருந்த அவரது தம்பி ஆதித்யா படத்தை இயக்கியிருக்கிறார். மிஷ்கின் கதை திரைக்கதை எழுதியிருக்கிறார். ஆனந்த யாழை மீட்டிய ராம் மீண்டும் நடிகராகியிருக்கிறார். காணாமல் போன பூர்ணா ரீ எண்ட்ரி கொடுத்திருக்கிறார். அஜல் குஜால் சாரி அரோல் கொரலி இசை அமைத்திருக்கிறார்.

ஓகே. மங்காவுக்கு இன்றோடு – மாலை ஆறு மணியோடு – பரோல் முடிகிறது. மீண்டும் ஜெயிலுக்குப் போக வேண்டும். டென்சனாக இருக்கிறான். மறுபடியும் அந்த நரகத்திற்குள் போக வேண்டுமே என்கிற ஆத்திரம் இருக்கிறது அவனுக்கு. பொதுவாகவே மங்கா ஆத்திரக்காரன். தாய் இறந்துவிட்ட பிறகு தாய்மாமனே மங்காவை வளர்க்கிறார். தாய்மாமன் கூடவே இருந்து மங்கா பைத்தியக்காரன், ஏதாவது செஞ்சு ஜெயில் தண்டனையை கூட்டிக்கப்போறான் என்று அவனைப் பாதுகாத்து எப்படியாவது எந்த வித அசம்பாவிதமும் சண்டையும் இல்லாமல், மாலை ஆறு மணிக்கு ஜெயிலில் கொண்டு போய் விட்டு விட வேண்டும் என்று நினைக்கிறார். ஆனால் மங்காவோ நிஜ பைத்தியக்காரன். தாய்மாமனிடம் நீ கக்கூஸ் போறத இன்னொருத்தன் பாத்திருக்கானா, ஜெயில்ல பாப்பான்னு சொல்றான். சூப்பர் டயலாக். அதனால் ஐயோ மீண்டும் போய் அடைபடப் போகிறோமே என்கிற வெறி வேறு. மாமா என்ன கெஞ்சினாலும் காதில் விழமாட்டேனென்கிறது. வெளில போகலாம் என்று காரில் கிளம்புகின்றனர். பிச்சை ஒரு பார்பர். இரண்டு பிள்ளைகள், மனைவியின் வயிற்றில் இன்னொன்று. நிறை மாதம். மனைவியின் தம்பி ரெஜிஸ்டர் மேரேஜ் செய்யப்போகிறான், கையெழுத்து போட்டுட்டு வாழ்த்திட்டு வருவோம் வாங்க என்று மனைவி அழைத்ததும், தன் ஓட்டை ராஜ்தூத்தில் கம்பீரமாக இரண்டு பிள்ளைகளுடனும் நிறைமாத மனைவியுடனும் ஒரே பைக்கில் செல்கிறார். இவர் டீ நகர் ட்ராபிஃக் போலீஸ்கிட்ட மாட்டிக்கொடுத்திருக்கனும், இவரு கைய முறிச்சு, மனைவியை கீழ தள்ளி ரோட்லயே பிள்ள பெற வெச்சு, ரெண்டு பிள்ளைகளோட கால உடச்சு, கடைசில இவரையே ஜெயில்ல போட்ருப்பாங்க. மங்காவும் பிச்சையும் ஒரே ஜெயில்ல இருந்திருப்பாங்க. ஹூம். ஆனா பிச்சையின் ராஜ்தூத்தில் மங்காவோட கார் மோதிவிடுகிறது. பிச்சை கண்டபடி எல்லோரையும் திட்டிவிடுகிறார். ஓங்கி அடித்தும் விடுகிறார். அடித்தாரா இல்லியா என்பது லெஜண்ட். மங்காவின் முகத்தில் ரத்தம் வர, உடன் இருப்பவர்கள, அடிவாங்குனவனுக்கே இவ்ளோ ரத்தம் வருதே, அடி கொடுத்த கைப்பிள்ளையை சும்மா விடலாமா என்று ஏற்றிவிட, தாய்மாமா டேய் மங்கா அவன் அடிக்கலடா என்று வாதிட, மங்கா அடித்தவனின் கையை வெட்டாமல் மாலை ஜெயிலுக்குள் போகமாட்டேன் என்று சபதமெடுக்கிறார். பிச்சையின் கதியும் அவரது குடும்பத்தின் கதியும் என்னானது? மங்கா மாலை பரோலை முடித்து ஜெயிலுக்கு போனானா? பிச்சையின் மச்சானின் கல்யாணம் நடந்ததா? படம் முடியும் போது உங்களுக்கு தலைவலி வந்ததா? மீதியை படம் பார்த்து கதை தெரிஞ்சுக்கவும்.

ராமும் மிஷ்கினும் பொருத்தமாகவே இருந்தனர். பூர்ணா கொஞ்சம் ஓவர் ஆக்ட் ஆனால் படத்தின் காமெடி மூடுக்கு செட்டானார். படத்தை ப்ளாக் காமெடின்னு சொல்றாங்க. மிஷ்கின் கொஞ்சம் கறுப்பா இருக்கறதனாலேயும் கொஞ்சம் காமெடி இருக்கிறதாலேயும் அப்படி சொல்லிருப்பாங்களோ. டீக்கடையில் ராஜ்தூத் மாடல் நம்பர் கேக்கும் இடம் மட்டுமே குபீர். மற்றபடி கபீர். (ஒரு ஃப்லோல வந்திருச்சு)

ஆனால் கடைசிக்காட்சியில் குழந்தை அழும் சத்தம் கேட்ட உடன் பழைய பாரதிராஜா படத்தில ஹீரோயின் அப்படியே ஸ்டில்லக்கொடுத்து நிக்கிற மாதிரி ரெண்டு பேரும் அப்படியே கெடப்பதெல்லாம் ரணகளம். நான் என்னவோ ப்லிம் சிக்கிக்கிருச்சோன்னு நெனச்சேன். அரோல் கொரலியின் இசையில் மிஷ்கினே பாடியிருக்கும் தங்ககத்திபாட்டு செம என்று சொல்ல ஆசைதான். தம்பி படம்ங்கறதால ஓவர் அட்ராசிட்டியா இருக்கு. ஸ்மியூல்ல பாடி பழகியிருப்பாரோ? ஒய் பாஸ்?

படத்திலேயே எனக்கு பிடிச்ச கதாப்பாத்திரம் தாய்மாமாதான். சூப்பர் காஸ்டிங்.

இன்னும் பாக்கலீன்னா, பாருங்க. மெர்சல்லாம் பாத்தீங்கல்ல? அப்ப இதப் பாக்கலாம்.

கொஸ்டீன் கோயிந்து : ஆதார் லீக்ஸ்?

2014இல் ஆட்சியைப் பிடித்தவுடன், பிரதமர் நரேந்திர மோடி டிஜிட்டல் ஆட்சியை முன்னிறுத்தத் தொடங்கினார். சில மாதங்களுக்குள்ளாகவே இந்திய அரசாங்கம், எந்த எந்த அரசாங்க ஊழியர்கள் வேலைக்கு வருவதில்லை என்பதை அறிவதற்கு பயோமெட்ரிக் சாதனங்களைப் பயன்படுத்தத் தொடங்கியது. மோடி பத்துவருடங்கள் ஆட்சி புரிந்த குஜராத் மாநிலத்தில் பள்ளிக்கூடம் வராத மாணவர்களுக்கு சிகப்பு கோடிட பயோமெட்ரிக்ஸைப் பயன்படுத்தியது.

ஆதார், இந்தியாவின் மிகப் பெரிய பயோமெட்ரிக் அடையாள திட்டம், முதலில் தன்னார்வத் திட்டமாகத் தான் இருந்தது. அதாவது வேண்டுமென்றால் தானாகவே முன்வந்து ஆதாரை வாங்கிக்கொள்ளலாம் – இதை வைத்து பொது சேவைகளைச் சீர் செய்யவும், லஞ்சத்தைத் தவிர்க்கவும் திட்டம். ஆனால் நாளாக நாளாக ஆதார் பொதுத்துறைக்கும் தனியார் துறைக்கும் – மகப்பேறு மருத்துவமனைகளில் மகப்பேறின் போதும், பால்வாடியில் குழந்தைகளைச் சேர்க்கும் போதும், உங்கள் காலேஜ் டிகிரியை வாங்குவதற்கும், டெலிபோன் சேவை பெறுவதற்கும், வங்கியில் புது கணக்கு தொடங்குவதற்கும், ஏன் இறப்பு சான்றிதல் பெறுவதற்கும் – மிக முக்கியமான அடையாள அட்டையாக மாறிவிட்டது.

Aadhaar-ID-Program

தனது டிஜிட்டல் இந்தியா என்கிற கனவை ஓயாது பேசிய மோடி, ஹோலோகிராம் தொழில்நுட்பத்தைப் பயன்படுத்தி பல் வேறு இடங்களில் ஒரே சமயத்தில் பொதுவில் தோன்றி பொது மக்களை அதிசயிக்க வைத்த மோடி, டேட்டா (தகவல்) தான் உண்மையான சொத்து, யாரொருவர் அதை அடைகிறார்களோ, யாரொருவர் அதைக் கட்டுப்படுத்துகிறார்களோ, அவர்களின் கையே வருங்காலத்தில் ஓங்கியிருக்கும் என்று சொன்னார்.

வேண்டிய திறமைக்கும் (அல்லது விருப்பத்திற்கு) எவ்வளவு இடைவெளி இருக்கிறது என்பதை கடந்த இரண்டு வருடங்களில் நிறைய முறை பொதுமக்களின் பொதுவில் வைக்கக்கூடாத டேட்டாக்கள் (தகவல்கள்) லீக் ஆனதாக சர்சை எழுந்ததைப் பார்த்தால் புரியும்

2015இல் மோடி அவர்கள் அவருடைய லட்சனக்கான ஃபாலோயர்களுக்கு உடனுக்குடன் பிரதமரிடமிருந்து நேரிடையாக செய்தியையும் மெயிலையும் பெற ஆப் (ஆப்பு இல்லை, செயலி) ஒன்றை வெளியிட்டார். நடுவே யாரும் இல்லை. மீடியா இல்லை. அதிகாரிகள் இல்லை. ரெட் டேப் இல்லை. நீயும். நானும். பின்ன ஆப் மட்டும் தான் என்று சத்தியம் செய்யப்பட்டது. இந்த செயலி (ஆண்ட்ராய்ட்) 50 லட்சம் முறை தரவிரக்கம் செய்யப்பட்டது.

ஆனால் நமோ செயலி அந்த செயலியைப் பயன்படுத்துபவர்களைப் பற்றிய தகவல்களை அவர்களின் சம்மதமின்றி ஒரு அமெரிக்க கம்பெனியிடம் கொடுத்தது என்று ஒரு சர்ச்சை எழுந்தது. இண்டியன் எக்ஸ்பிரஸ் செய்த விசாரனையில் மோடி செயலியின் ஓட்டைகளை கண்டறிந்தது. அதன் பின் அடுத்த நாளே செயலியின் ப்ரைவசி பாலிஸி மாற்றப்பட்டது.

அதே நேரத்தில், ZDNet என்கிற தொழிநுட்ப நிறுவனம், இந்திய அரசாங்கத்தின் எல் பி ஜி நிறுவனமான இண்டேன் ஒரு வெப் பக்கத்தில், கோடிக்கனக்கான இந்தியர்களின் பெயர்கள், வங்கி கணக்குகள், ஆதார் எண்களைக் காட்டியது என்றும், அதைக் கொஞ்சம் தொழில்நுட்பம் தெரிந்தவர்களாக இருந்தால் கண்டுபிடித்து எடுத்து விட முடியும் என்று சொன்னது.

கரன் சைனி என்கிற நியூ டில்லியிலிருக்கும் ஒரு செக்யூரிட்டி ஆய்வாளர், ஒவ்வொரு நிமிடமும் ஆயிரக்கணக்கான ஆதார் எண்களை ரேண்டமாக மென்பொருளுக்கு அனுப்பினார். அப்படி அனுப்பட்ட ஆதார் எண்கள் உண்மையான எண்களுடன் பொருந்திப் போனால், டடா, உண்மையான ஆதார் எண்ணின் உண்மையான தகவல்களை நீங்கள் பெறமுடியும் என்று நடு இரவில் கண்டறிந்தார்.

ஆதார் ப்ராஜெக்ட்டை நடத்தும் Unique Identification Authority of India, தங்களுடைய டேட்டா பேஸை யாரும் திருடவில்லை என்றும் கண்டுபிடித்த அந்த செக்யூரிட்டி ஆய்வாளரின் மீது நாங்கள் சட்டப்படி நடவடிக்கை எடுப்போம் என்றது.

கிராம வளர்ச்சி அமைச்சகம் கிட்டத்தட்ட பதினாறு மில்லியன் ஆதார் எண்களை அம்பலப்படுத்தியது.ஆந்திரப் பிரதேசத்தில் இருபது மில்லியன் கூலி வேலையாட்களின் ஆதார் எண்கள் ஆம்பலப்படுத்தப்பட்டன.

டேட்டா தவறாகப் பயன்படுத்தப்படுகிறதா என்கிற கேள்விக்கு அதிகாரிகள் எப்பொழுதுமே இல்லை என்று கோபத்துடனே கூறியிருக்கின்றனர், ஆனால் ஒரு பொழுதும் அதை விசாரணை செய்யச் சொன்னதில்லை. இவ்வளவு பெரிய ப்ராஜெக்ட் செயல்படுத்தும் பொழுது பிரச்சனைகள் வரத்தான் செய்யும். சண்டையில கிழியாத சட்டை எங்கிருக்கு? ஆனால் அவ்வாறான பிரச்சனை அல்லது சர்ச்சை கிளம்பும் பொழுது அதை வெளிப்படைத்தன்மையோடு அனுகவேண்டும். லீக் ஆனாதா?

அரசாங்கம் குடிமக்களின் வாழ்க்கையை டிஜிட்டலைஸ் செய்வது வரவேற்கத்தக்க ஒன்று. அனால் அதே நேரத்தில் குடிமக்களின் தகவல்களைப் பாதுகாக்க வேண்டிய கடமையும், பொறுப்பும், தவறு ஏற்படும் பொழுது விசாரனை செய்து விசாரனையின் முடிவை வெளிப்படையாக விளக்க வேண்டிய கடமையும் தங்களுக்கு இருக்கிறது என்பதைப் புரிந்துகொள்ள வேண்டும்.

ஆப்கள் செல்ஃபோன் காமெராவை வைத்து என்னென்ன செய்ய முடியும்?

ஒரு செயலிக்கு (ஆப்) நீங்கள் உங்கள் கேமராவை உபயோகப்படுத்த அதிகாரம் கொடுத்துவிட்டீர்கள் என்றால் அந்த செயலியால் என்னென்ன செய்ய முடியும்?

அந்த செயலியால்,

  • முன் பக்க, பின் பக்க காமராவை உபயோகப்படுத்த முடியும்
  • அந்த செயலி திரையில் இருக்கும் பொழுது, எந்த நேரமும் உங்களை ரெக்க்கார்ட் செய்ய முடியும்
  • உங்களிடம் கேட்காமல் உங்களை படம் பிடிக்கவோ, வீடியோ எடுக்கவோ முடியும்
  • எடுத்த படங்களை/வீடியோவை உடனுக்குடன் பதிவேற்ற முடியும்
  • முகத்தை அடையாளம் காணும் மென்பொருளை உடனுக்குடன் லைவ்வாக பயன்படுத்தி, உங்களது முக அம்சங்களையும் முக பாவனைகளையும் கண்டுபிடிக்க முடியும்.
  • பதியப்பட்ட முக பாவனைகளையும் முக அம்சங்களையும் ஒரு நல்ல முக அடையாள மென்பொருளைப் பயன்படுத்தி இணையத்தில் உங்கள் முகத்தைத் தேட முடியும். கிடைக்கும் ஃபோட்டோக்களை வைத்து உங்களை முகத்தை 3டி மாடலாக உருவாக்கமுடியும்
  • காமராவை லைவ்வாக ஸ்ட்ரீம் பண்ண முடியும்.
  • ஃபோன் பயன் படுத்துபவர் தனியாக இருக்கிறாரா அல்லது இரண்டு நபர்களுடன் இருக்கிறா என்று கண்டுபிடிக்க முடியும்
  • நீங்கள் நீயூஸ் ஸ்க்ரோல் செய்து கொண்டிருக்கும் பொழுதி, முன் பக்க பின் பக்க காமராவைப் பயன் படுத்தி அழகான ! போட்டோக்கள் எடுக்க முடியும்.

அடங்கப்பா.

சரி, என் பாத் ரூம் அவ்வளவு அழகாக இருக்காதே, எப்படி என்னைப் பாதுகாத்துக் கொள்வது?

  • முற்றிலும் பாதுகாப்பான வழி காமரா கவர்களை வைத்து காமராவை மறைப்பது. அல்லது சிம்பிளாக டேப் வைத்து மறைப்பது. நான் என் மேக் புக் காமராவை அப்படித்தான் மறைத்து வைத்திருந்தேன்.
  • காமராக்கான அக்ஸஸ் ரைட்சை எல்லா செயலிகளிலிருந்தும் தூக்குவது. ஃபோனில் இருக்கும் காமரா செயலியை பயன்படுத்தி ஃபோட்டோக்கள் எடுத்து பிறகு அந்த அந்த ஆப்களின் ஃபோட்டோ தேர்ந்தெடுக்கும் அப்ஷனை வைத்து எடுத்த போட்டோவை செலக்ட் செய்யுங்கள்.
  • இதையும் செய்யக்கூடாது என்றால் உங்கள் ஃபோட்டோவை ஸ்க்ரீன் ஷாட் எடுத்து, அந்த ஸ்க்ரீன் ஷாட்டை காப்பி பேஸ்ட் செய்யவும்

நம்மை மற்றும் ஊர் உலகத்தையே ஃபோட்டோ எடுத்து போஸ்ட் செய்ய வைக்கும் மார்க் தம்பியே காமராவை மறைத்துத் தான் வைத்திருக்கிறார்.

தம்ப்ரி, நீ சொன்னா நம்ப முடியாது, வெள்ளக்காரன் சொன்னாத்தான் நம்புவோம்னா, இங்கே ஆதாரமும், சாம்பிள் ப்ராஜெக்டுமே இருக்கிறது. நீங்கள் சோர்ஸ் கோடை எடுத்து ஆப்பை ஓட்டியே பார்க்க முடியும்.

பீ கேர்புல். நான் என்னச் சொன்னேன்.

YouTube தலைமை அலுவலகத்தில் துப்பாக்கி சூடு, நான்கு பேர் காயம்

வட கலிஃபோர்னியாவில் இருக்கும் YouTube தலைமை அலுவலகத்தில் நடந்த துப்பாக்கி சூட்டில் நான்கு பேர் காயம் அடைந்திருக்கின்றனர்.

மேலும் சுட்டவர் என்று கருதப்படும் பெண் வலாகத்தில் தானே சுட்டுக்கொண்டு இறந்திருக்கக்கூடும் என்று கருதுகிறது போலீஸ்.

மருத்துவமனைக்கு அழைத்துச் செல்லப்பட்ட காயம் அடைந்தவர்களின் நிலைமை என்ன வென்று தெரியவில்லை. ஒருவர் கவலைக்கிடமாக இருக்கக் கூடும் என்று அசோசியேட்டட் ப்ரஸ் சொல்கிறது.

1700 பேர் அந்த அலுவலகத்தில் வேலை செய்கிறார்கள்.

சானல்கள் வெளியிட்ட காட்சிகளில் யூட்யூப் அலுவலர்கள் கைகளை உயரே தூக்கிக் கொண்டு வெளியேறுகின்றனர்.

யூட்யூபில் வேலை செய்யும் ஒருவர் தான் வேலை செய்துகொண்டிருந்த பொழுது துப்பாக்கி சத்தம் கேட்டதாகவும், மக்கள் அங்கும் இங்கும் ஓடியதாகவும் பின்னர் உடன் வேலை செய்பவர்களுடன் ஒரு அறையில் அமர்த்தப்பட்டனர் என்றும் ட்வீட் செய்திருக்கிறார்.

நாச்சியார் – ஒரு நிமிட பார்வை

நாச்சியார்

பாலாவின் படம். அப்படியா என்ன? இந்தப் படத்தை யாருக்காக எடுத்தார் என்பது அவருக்கே வெளிச்சம். ஜோவுக்காகவா, ஜீவிக்காகவா அல்லது நமக்காகவா? ஒரு சீன் கூட சொல்லிக்கொள்ளும் படியாக இல்லை.

பொருளாதாரத்தின் அடிதட்டில் தினக்கூலி வேலை செய்யும் ஒரு இளைஞன். அதே போன்றொதொரு நிலையில் ஒரு சிறிய பெண். மைனர் பெண். இருவருக்கும் காதல் மலர்கிறது. ஒரு எதிர்பாராத சந்திப்பில் அந்தப் பெண் வேலை செய்து கொண்டிருக்கும் ஒரு வீட்டில் வைத்து இருவரும் உடலுறவு கொள்கின்றனர். அந்தப் பெண் கருவுருகிறாள். மைனர் பெண்ணைக் கெடுத்த குற்றத்திற்கு பையனை போலீஸ் கைது செய்கிறது. ஜோ கேஸுக்குள் எண்ட்ரி. டிஎன்ஏ டெஸ்ட் செய்து பார்த்ததில் அந்தப் பையனுக்கும் வயிற்றிலிருக்கும் குழந்தைக்கும் ஒரு சம்பந்தமும் இல்லை எனத் தெரிகிறது. பிறகு யார் காரணம்? அந்தப் பெண்ணிற்கும் அந்தப் பையனுக்கும் இந்த விஷயம் தெரிந்ததா? அந்தப் பையன் ஏற்றுக் கொண்டாரா? போன்ற அதிபயங்கர அதிநவீன முடிச்சுகளை பால அவிழ்த்தாரா?இல்லை ஜோ கண்டுபிடித்தாரா என்பதை படம் பார்த்துத் தெரிந்து கொள்ளவும்.

கெட்ட வார்த்தை பேசும், யாரையும் மதிக்காத எல்லோரையும் தூக்கிப் போட்டு மிதிக்கும் போலீஸாக ஜோ. போலீஸே சட்டத்தை மதிக்கலேன்னா பொது ஜனம் எப்படி மதிக்கும்? மேகம் கருக்குது பாடல் ஒரு கணம் தோன்றி மறைந்தது. அந்த ஜோவா இது என எனக்கும் கேட்க ஆசை தான். ஆனால் அதே ஜோ தான். ஜீவி? அனுராக் காஷ்யப் கூப்பிட்டிருக்கிறாராமே? ஆனால் பரவாயில்லை கொடுத்த வேலையை ஒழுங்காக செய்திருக்கிறார் என்றே சொல்ல வேண்டும். படத்தை கொஞ்சமாவது தூக்கி நிறுத்துபவர் அந்தச் சிறிய பெண் இவானா தான். துப்பறியும் கதையில் படம் பார்ப்பவர்களை குழப்புகிறேன் என்று அந்தப் பெண் வேலை செய்யும் வீட்டின் ஓனர் போலிஸையும் இழுத்து விட்டிருப்பது காமடி. ப்ரீ க்ளைமேக்ஸில் ஜோ வழங்கும் தண்டனை திகில் என்று சொல்ல ஆசைதான். க்ளைமேக்ஸ் அர்ஜுன் ரெட்டி க்ளைமேக்ஸை விட பெரிய காமெடி.

வேறு வேலை இல்லையெனில் இன்னும் பார்க்காதவர்கள் பார்க்கலாம்.

ஆமாம் படத்திற்கு ஏன் நாச்சியார் என்று பெயர்?

அலெக்சா, நீ என்ன ஒட்டுக் கேட்கிறாய்?

அமேசான் நிறுவனம் சில மாதங்களுக்கு முன் ஒரு விளம்பரம் வெளியிட்டது. அலெக்சா – டிஜிட்டல் உதவியாளர் – பற்றிய விளம்பரம் அது. அலெக்சாவுக்கு குரல் போய்விட்டது. தற்காலிகமாகப் பேச முடியவில்லை என்பது போன்ற சித்தரிப்பு. நிறைய பிரபலங்கள் இந்த விளம்பரத்தில் நடித்திருந்தனர் – அமெசானின் சீ ஈ ஓ ஜெஃப் பெஸோஸ் உட்பட.

அந்த விளம்பரம் அலெக்சா என்ன பேச முடியும் என்பதைப் பற்றியதாக இருந்தாலும் – நிறைய டிஜிட்டல் உதவியாளர்கள் ஸ்மார்ட் ஸ்பீக்கர்கள் மூலம் நம் வீட்டிற்குள் வந்துவிட்ட இந்தக் கால கட்டத்தில், முக்கியமான கேள்வி, அலெக்சாவால் நாம் பேசுவதிலிருந்து என்னவெல்லாம் ஒட்டுக் கேட்டுத் தெரிந்து கொள்ள முடியும் என்பதே.

அமெசானும் கூகுளுமே இன்றைய நிலையில் இது போன்ற சாதனங்கள் விற்பனையில் முன்னோடியாக இருக்கின்றன. அவர்கள் சொல்வது என்னவென்றால்: நீங்கள் “ஹே அலெக்சா” என்றோ “ஓகே கூகுள்” என்றோ சொன்ன பிறகே, நீங்கள் பேசுவதைக் கேட்டுப் பதிந்து கொள்ள ஆரம்பிக்கும் என்று கூறுகின்றனர்.

ஆனால் இவர்கள் விண்ணப்பித்துள்ள – பெரும்பாலும் நிலுவையிலுள்ள – காப்புரிமைகள் (patent) இந்த மாதிரியான சாதனங்கள் நம் பேசும் பேச்சுக்களையும் செய்யும் செயல்களையும் கண்காணிக்கவும் கேட்கவும் முடியும் என்று அடிக்கோடிட்டுக் காட்டுகின்றன. இவ்வாறு சேகரிக்கபடும் விசயங்களால், அந்த நபர்களின் ஆசைகளையும் விருப்பங்களையும் கண்டுபிடித்து, பிறகு அதை விளம்பரங்களுக்கும், அந்த நபர்கள் வாங்குவதற்கு பொருட்களைப் பரிந்துரை செய்யவும் உபயோகப்படுத்திக் கொள்ளலாம்.

ஒரு காப்புரிமை விண்ணப்பத்தில் அமெசான், தனது குரல் தெரிவு அல்காரிதத்தை எப்படி டேப்லட், ஈ புக் ரீடர்ஸ் (கிண்டில்?) போன்றவற்றில் பயன்படுத்தி, அதை பயன்படுத்துபவர்கள் பேசுவதை லைவ்வாக கண்காணித்து, அவர்கள் love, bought, like போன்ற வார்த்தைகளைப் பயன்படுத்தும் பொழுது பதிவு செய்யப்பட்ட பேச்சுகளை எப்படி ஆய்வு செய்து அந்த டேட்டாவைப் பயன்படுத்தும் என்று விவரித்திருக்கிறது. அந்த விண்ணப்பத்தோடு இணைக்கப்பட்ட ஒரு வரைபடத்தில் எப்படி இரு நண்பர்களுக்குள்ளான தொலைபேசி உரையாடலின் முடிவில் ஒருவர் சான் டியாகோ ஜூவுக்கு டிக்கெட்டுக்கான அஃபரையும் மற்றொருவர் மதாந்திர வைன் க்ளப் மெமர்ஷிப்பிற்கான விளம்பரத்தையும் காண்பார்கள் என்று விவரித்திருக்கிறது.

கூகுளின் (ஸ்மார்ட் ஹோம் சாதனங்கள் தயாரிக்கும் நெஸ்ட் லேப்ஸின் உரிமையாளர்) சில காப்புரிமை விண்ணப்பங்களில் இவ்வாறு சொல்கிறது: ஒலிகளை மானிட்டர் செய்வதன் மூலம் ஒரு குழந்தையை அது செய்யும் சேட்டைகளைக் கண்கானிக்க முடியும் என்கிறது. பேச்சை வைத்து முதலில் குழந்தை இருக்கிறது என்று கண்டுபிடித்து பிறகு பேசுகிற தொனியை வைத்து எச்சரிக்கை கூட செய்யமுடியும் என்கிறது.

வேறு ஒரு விண்ணப்பத்தில் தனி நபர்களுக்கு தகுந்தார்போல தகவல்கள் தரும் நோக்கில் பேசுபவரின் மனநிலையை “அவருடைய பேச்சின் சத்தத்தை வைத்தும், அவர் சுவாசத்தை வைத்தும், அழுகையை, இன்னும் பிறவற்றை வைத்தும்” பேசுபவரின் உடல் நலத்தை “அவர் இறுமுகிறாரா தும்முகிறாரா போன்றவற்றை வைத்து” கண்டுபிடிக்க முடியும் என்கிறது.

அதே விண்ணப்பத்தில், ஒரு நபரின் வீட்டில் கீழே கிடக்கும் டீ சர்ட்டில் இருக்கும் வில் ஸ்மித்தின் படத்தை கண்டுகொண்டு அந்த நபர் வில் ஸ்மித்தை இணையத்தில் தேடிய வரலாறை வைத்து, “இந்தாப்பா தம்பி, உனக்கு வில் ஸ்மிதைப் பிடிக்கும் போலத் தெரியுது, உங்க பக்கத்து தேட்டர்ல புதுசா வில் ஸ்மித் படம் ஓடிட்டிருக்கு, ஓடிப் போய் பாரு” என்று சொல்ல முடியும் என்கிறார்கள்.

அமசானும் கூகுளும் எங்களுக்கு வாடிக்கையாளர்களின் ப்ரைவசி முக்கியம், அவர்களின் ப்ரைவசியே முக்கியம் என்று சொல்லி வருகின்றன.

ஆப்பில் தன் பங்குக்கு ஹோம் பாட் என்கிற வஸ்துவை அறிமுகம் செய்திருக்கிறது. ஃபேஸ்புக் இந்த மே மாதத்தில் இது போன்ற ஒரு வஸ்துவை அறிமுகம் செய்யலாம் என்று ப்ளூம்பர்க் சொல்லுகிறது.

கூகுளும் அமசானும் இந்த சாதனங்களைப் பயன் படுத்துவோரின் அனுமதியின்றி (அவர்கள் கூப்பிட்டோ அல்லது பட்டனை அமுக்கியோ) எதையும் பதிவு செய்ய மட்டோம் என்கிறது. மேலும் பதிவு செய்ததை இணையத்துக்கு அனுப்பும் பொழுது (streaming) லைட் எரிந்து கொண்டிருக்கும் அதனைப் பார்த்து நீங்கள் உஷாராகிக்கொள்ளலாம் என்கிறது. மேலும் இணையத்தில் இருக்கும் பதிவுசெய்யப்பட்ட குரல்களை நீங்கள் எப்பொழுது வேண்டுமென்றாலும் டெலீட் செய்யலாம் என்றும் கூறுகிறது.

அமசான் நாங்கள் ஒரு போதும் பதிவுப் செய்த பேச்சுகளை வேறு கம்பெனிகளுக்கு கொடுக்க மாட்டோம் என்கிறது. கூகுள் பொதுவாக உங்கள் பேச்சுகளை நாங்கள் வேறு கம்பெனிகளுக்கு கொடுக்க மாட்டோம் ஆனால் எழுத்து வடிவத்தில் கொடுப்போம் என்கிறது.

The Electronic Privacy Information Center, இணையத்தில் இணைந்திருக்கும் சாதனங்களுக்கு இன்னும் கடினமான விதிகள் வகுக்கப்பட வேண்டும் என்கிறது. தகவல்கள் எப்படி சேகரிக்கப்படுகின்றன, சேகரிக்கப்பட்ட தகவல்களை எப்படி ஆய்வு செய்கின்றனர் என்பதையும் ஆய்வின் முடிவை எப்படி எதற்காகப் பயன்படுத்துகிறார்கள் என்பதையும் தெளிவாக வெளிப்படையாக அறிவிக்க வேண்டும் என்று கூறுகிறது.

வின்னி மண்டேலா காலமானார்

mandela-wife

வின்னி மண்டேலா, நெலசன் மண்டேலா தென் ஆப்பிரிக்க சிறையிலிருந்து 1990இல் வெளிவந்த பொழுது எடுக்கப்பட்ட படம். 1996இல் இருவரும் விவாகரத்து செய்துகொண்டனர்.

நிறவெறியை எதிர்த்துப் போராடிய வின்னி மண்டேலா தனது 81ஆவது வயதில் காலமானார். இவர் நெல்சன் மண்டேலாவின் இரண்டாவது மனைவி.

புத்திசாலியான, அக்ரோஷமான, சொல்திறமிக்கவரான, அழகான மடிகிஜேலா மண்டேலா, மண்டேலாவைக் கரம் பிடித்த பொழுது உலகுக்கு அறிமுகமானார்.

வின்னி மண்டேலா தென் ஆப்பிரிக்காவின் அடித்தட்டு மக்களிடம் தனக்கான இடத்தை அவராகவே தனது போராட்டத்தினால் பெற்றிருந்தார். ஏப்ரல் 2016இல் ஜனாதிபதி ஜாகோப் ஜி ஜுமா, மடிகிஜேலா மண்டேலாவுக்கு, நாட்டின் உயரிய விருதான the Order Of Luthuliஐ அவருடைய ஜனநாயகப் போராட்டத்துக்காக அளித்தார்.

வின்னி மண்டேலா அவருடைய நிறவெறிப் போராட்டம் அவரது கணவரின் உலகலாவிய புகழினால் மறைக்கப்பட்டுவிட்டது என்று கவலை கொண்டார். கடைசிக் காலத்தில் மீண்டும் தனது இழந்த புகழை, தேசத்தின் தாயாக மீண்டும் மாற எடுத்த முயற்சிகள் பெரிய வெற்றி அடையவில்லை. “நான் மண்டேலாவால் உருவாக்கப்படவில்லை.நான் எனது பல்லாயிரக்கணக்கான மக்களின் கனவுகளால் உருவாக்கப்பட்டவள். எனது எதிரிகளின் கொடுரத்தால் உருவாக்கப்பட்டவள்” என்று ஒரு முறை கூறினார். அவர் எதிரிகள் என்று சொன்னது தென் அப்பிரிக்காவை ஆண்டு கொண்டிருந்த மேற்கத்திய வெள்ளைக்காரர்களின் அரசு. அவர் வெள்ளைக்காரர்களால் கொடுமைகளுக்கு உள்ளானவர் – வெள்ளைக்காரர்கள் இவரை மொத்தமாக ஒழித்துவிடவும் முயற்சித்தனர்.

03mandela

வின்னி மண்டேலா 1986இல் தென் ஆப்பிரிகாவின் க்ரூகெர்ஸ் ட்ராப் நீதிமன்றத்திற்கு வந்தபொழுது அவரது ஆதரவாளர்கள் அவருக்கு பெரிய வரவேற்பைக் கொடுத்தனர். நெலசன் மண்டேலாவைத் தாண்டி அவரை பின்பற்றுபவர்கள் நிறைய இருந்தனர்.

மண்டேலா கேப் டவுனிலிருந்து சிறிது தூரத்திலிருக்கும் ராபன் தீவில் 27 வருடங்கள் சிறை வைக்கப்பட்ட பொழுது, இவர் தான் மண்டேலாவுக்கும் அவரை பின்பற்றுபவர்களுக்குமான பாலமாக இருந்தார். ஆனால் வந்த செய்திகள் மிகவும் குறைவு – ஏனென்றால் மிக சொற்பமான முறையே அவர் சிறைக்குள் அனுமதிக்கபட்டார். அந்த சந்திப்பில் இவர் மண்டேலாவை தொடக்கூட அனுமதி மறுக்கப்பட்டது.

1996இல் இருவரும் விவாகரத்து பெற்றுக்கொண்டனர். அதற்கப்புறம் மண்டேலா, முன்னால் மொசாம்பிக் ஜனாதிபதியான சமோரா மசெல்லின் மனைவியான க்ராசா மசேலை (சமோரா மசேல் இறந்துவிட்ட பிறகு) தனது 80ஆவது வயதில் 1998இல் திருமணம் செய்துகொண்டார். இது மண்டேலாவின் மூன்றாவது திருமணம்.

 

ரப்பர் பொம்மைகளில் சேரும் தண்ணீரில் நுண்ணுயிர்கள்

உங்கள் குழந்தைகளின் குளியல் நேரத்தில் அவர்களுக்கு பிடித்தமான அந்த அழகிய வாத்து பொம்மைக்குப் பின்னால் ஒரு அசிங்கமான உண்மையிருக்கிறது. குழந்தைகள் இந்த பொம்மையை வாயில் வைத்து விளையாடுவார்கள். உள்ளே தேங்கியிருக்கும் தண்ணீரை மற்ற குழந்தைகளின் மீது பீய்ச்சி அடித்தும் விளையாடுவதுண்டு.

ஆனால் உள்ளே யக்கியாக ஏதோ ஒன்று இருக்கிறது – அது பெரும்பாலும் கண், காது மற்றும் வயிற்றுக் கோளாறு ஏற்படுத்தும் பாதோஜெனிக் பாக்டீரியாவாக இருக்கும்.

அமெரிக்க மற்றும் சுவிஸ் விஞ்ஞானிகள் செய்த ஆராய்ச்சியில் இந்த மாதிரியான ரப்பர் பொம்மைகள் நுண்ணுயிர்கள் இனப்பெருக்கம் செய்யும் இடமாக இருக்கும் என்று கண்டுபிடித்திருக்கின்றனர்.

ஐந்தில் நான்கு பொம்மைகளிலிருந்து வெளியேறும் தண்ணீரைச் சோதித்துப் பார்த்தபொழுது Legionella பாக்ட்டீரியா அதிலிருந்தது. ஆராய்ச்சியாளர்கள் 19 விதமான பொம்மைகளைச் சோதித்துப் பார்த்ததில் வாத்து பொம்மையில் ஒரு செமீ ஸ்கொயர் பரப்பளவில் 75 மில்லியன் பாக்ட்டீரியாக்கள் இருந்தன. இது மிக மிக அதிகமான எண்ணிக்கை. ரப்பர் பொம்மையிலிருக்கும் பாலிமர் வெளியேற்றும் கார்பன், பாக்ட்டீரியாவுக்கு சத்துணவு.

ரப்பர் வாத்துகளை தயாரிப்பதற்கு விலை உயர்ந்த நல்ல தரமான பாலிமர்களைப் பயன் படுத்தினால் பாக்ட்டீரியா மற்றும் பூஞ்சையின் வளர்ச்சியைக் கட்டுப்படுத்தலாம் என்கின்றனர்.

ரப்பர் பொம்மைகள் மட்டுமே வீட்டில் உபயோகப்படுத்தும் பொருட்களில் பாக்டீரியாக்கள் இனப்பெருக்கம் செய்யும் இடம் இல்லை. கடந்த வருடம் ஜெர்மனியில் நடந்த ஆராய்ச்சியில் கிச்சனில் பாத்திரம் கழுவ உபயோகப்படும் ஸ்பாஞ் கூட கிருமிகளின் கூடாரம் என்று கண்டுபிடித்திருக்கின்றனர். வீடுகளிலிருந்து எடுக்கப்பட்ட 14 அழுக்கான ஸ்பாஞ்களில் 350 வகையான பாக்ட்டீரியா இனங்கள் கண்டுபிடிக்கப்பட்டன.

இதே அளவு அடர்த்தியுடன் பாக்ட்டீரியாக்களை மனிதக் கழிவுகளில் பார்க்கலாம். இந்த உலகில் வேறு எந்த இடத்திலும் இவ்வளவு அடர்த்தியாக பாக்ட்டீரியாக்களைப் பார்க்க முடியாது என்று மார்க்கஸ் ஈகர்ட் (Markus Egert) என்ற ஜெர்மானிய நுண்ணுயிரியல் விஞ்ஞானி கூறுகிறார்.

நமக்கும் நெருக்கமான இன்னொரு பொருள் இதே போல பாக்ட்டீரியாக்களைக் கொண்டிருக்கிறது: செல் ஃபோன்.

சராசரியாக ஒரு செல் ஃபோனில் எவ்வளவு பாக்டீரியாக்கள் இருக்கின்றன என்பது ஆராய்ச்சிக்கு ஆராய்ச்சி வெறுபட்டாலும், சராசரி செல் ஃபோனில் டாய்லட் சீட்டைவிட பத்து மடங்கு பாக்ட்டீரியாக்கள் இருக்கின்றன என்று 2012இல் அரிசோன பல்கலைக் கழகத்தின் நுண்ணுயிரியல் விஞ்ஞானி சார்லஸ் கெர்பா கூறுகிறார். மேலும் அவர் டாய்லட் சீட்டை விட அழுக்கான இடங்கள் வீட்டில் நிறைய இருக்கின்றன என்று கூறுகிறார்.

கொஞ்சமாவது சுத்தமான இடம் வீட்டில் டாய்லட் சீட்டாகத் தான் இருக்கும். பொதுவாக டாய்லட் சீட்டை விட 200 மடங்கு அதிகமான பாக்ட்டீரியாக்களை கட்டிங் போர்டில் பார்க்கலாம் என்று பிபிசிக்கு அளித்த பேட்டியில் அவர் சொன்னார்.