IPL விசில் போடு – 12: சிங்கநடை போட்டு சிகரத்தில் ஏறு….

 

Checklist of CSK:

Be one among the top 2 teams : Check – Done ☑️

Qualify for playoffs : Check – Done ☑️

Ensure low scoring target : Check – Done ☑️

Heart Attack for fans : Check – Done ☑️

நன்றாக விளையாடி, பின் தடுமாறி, அதன்பின் மயிரிழயில் தப்பிப்பது எப்படி ஏன்ற புத்தகம் இருந்தால் சென்னை சூப்பர் கிங்ஸ் அணி அதை வெளியிடலாம்.

ரசிகர்களை இருக்கையின் நுனியில் உட்கார வைத்து, நகங்கள் தேய, இதயத்துடிப்பு பன்மடங்காக அதிகரிக்க, “ஐயா, ராசா முடியலப்பா சாமிஎன கடைசியில் புலம்ப வைத்து அதன்பின் ஓரிரெண்டு பந்துகளிளோ ஓரிரெண்டு விக்கட்டுகளிளோ ஒரு அணி வென்றால் அது சென்னை சூப்பர் கிங்ஸ் அணியென அறிவோமாக.

இந்த வருடத்தின்திக் திக்” CSK போட்டிகள் (கடைசி 3 ஓவர்களில் எடுத்த ஓட்டங்கள் அடிப்படையில்):

47 off 2.5 vs MI, Wankhede

41 off 2.5 vs KKR, Chennai

44 off 2.4 vs RCB, Bengaluru

43 off 2.1 vs SRH, Wankhede

Anyways, Well done CSK for making it to yet another finals!

இதுவரை கலந்துகொண்ட ஓவ்வொரு வருடமும் (இடையில் தற்காலிகமாக தடை செய்யப்பட்ட 2 வருடங்கள் தவிர்த்து) ப்ளேஆஃப் சுற்றுக்கு தகுதி என்பது சாதாரண சாதனை அல்ல.  அதையுந்தாண்டி இறுதிச்சுற்றுக்கு தகுதி பெறுவது மிகப்பெரிய விஷயம், especially when you comeback from a suspension. தடை முடிந்து திரும்ப்ம்போது, தனி நபரோ அல்லது அணியோ, சம்மந்தப்பட்ட வீரர்களும் ரசிகர்களும் மனதளவில் மிகவும் சோர்ந்த நிலையில் இருப்பர். இவ்வாறு இருக்கையில்  மறுபடி எழுந்து எதிரியின் வீழ்த்துவது சினிமாவில் மட்டுமில்லாமல் நடைமுறையிலும் சாத்தியம் என்று நிறுபனம் செய்தது சென்னை சூப்பர் கிங்ஸ்.

CSK

No prizes for guessing, டாஸ் வென்ற தோனி பவுலிங் தேர்வு செய்தார். அணியில் பில்லிங்ஸுக்கு பதில் வாட்சன். ஆரம்பமே படு ஜோராக அமைய, முதல் ஓவரில் முதல் பந்தில் ஷிகார் தாவனின் ஸ்டம்புகள் பறந்தன. போட்டியின் momentum சற்றும் குறையக்கூடாது என அடுத்து வந்த ஆட்டக்காரர்கள் counter attack முறையில் ரன்களை குவித்தாலும், ஓவர்கள் கடந்து செல்லச்செல்ல விக்கட்டுகள் விழ ஆரம்பித்தன, thanks to the shuffling in bowling by Dhoni.

வழக்கமாக கடைசி 5 ஓவர்கள் (death overs)  வீச வரும் ப்ராவோவை இந்த முறை 7வது ஓவர் வீச அழைத்தார் தோனி, which can be considered as a very smart and tactical move. 2 முக்கியமான விக்கட்டுகள் எடுத்ததுமின்றி, அந்த கேட்சை சர்வசாதாரனமாக பிடித்தது தான் highlight. தப்பாம தான்யா பேரு வைச்சுருகாங்க Bravo!

17வது ஓவர் வரை அடக்கி வாசித்த சன்ரைசர்ஸ் அணி, 18வது ஓவர் முதல் தன் ருத்ரதாண்டவத்தை தொடங்கியது. 2016 டி20 உலகக்கோப்பை புகழ் கார்லோஸ் ப்ராத்வேட் தன் அதிரடி ஆட்டத்தை ஆரம்பிக்க நினைத்தாரோ என்னவோ, பழம் நழுவி பாலில் விழுந்து அங்கிருந்து நழுவி வாயில் விழுந்த கதையானது. சென்னையின் கொடை வள்ளல் ஷர்துல் தாகூரின் தயவில் 18வது ஓவரில் 17 ரன்களும் 20வது ஓவரில் 20 ரன்களூம் வாரி வழங்கினார். இதில் நான்கு சிக்ஸர்களும் ஒரு பவுன்ரியும் அடக்கம்.

140 என்ற சுலப இலக்கை நோக்கி விளையாடத் தொடங்கிய சென்னை கிட்டத்தட்ட சன்ரைசர்ஸ் அணியைப் போலவே விளையாடியது ஆச்சரியத்திலும் ஆச்சரியம். இரு இன்னிங்ஸையும் ஒப்புனோக்க ஏகப்பட்ட ஒற்றுமைகள்!

சன்ரைசர்ஸ் ஹைதராபாத்

சென்னை சூப்பர் கிங்ஸ்

தாவன் (முதல் பந்து) 0-1

வாட்சன் (ஐந்தாவது பந்து) 0-1

கோஸ்வாமி : 2-43 (3.5 ஓவர்)

ரைய்னா : 2-24 (3.3 ஓவர்)

வில்லியம்சன் : 3-36 (4.2 ஓவர்)

ராயுடு : 3-24 (3.4 ஓவர்)

100 ஓட்டங்கள் – 17.1 ஓவர்களில்

100 ஓட்டங்கள் : 17.2 ஓவர்களில்

18வது ஓவரில் – 17 ஓட்டங்கள்

18வது ஓவரில் – 20 ஓட்டங்கள்

20 ஓவரில் – 20 ஓட்டங்கள்

19வது ஓவரில் – 17 ஓட்டங்கள்

7 விக்கட்டுகள் இழந்து தோல்வியின் நுனியில் சென்னை நின்ற நிலையில்அவ்வளவு தான் bro. ஆட்டம் ஓவர், கிளம்பளாம்என்று சென்னை ரசிகர்கள் நினைத்த போதுதான்நில்லுங்கபா, இனி தான் ஆட்டமேஎன்று டூப்ளெஸி தன் அதிரடியை ஆரம்பித்தார்.  18வது ஓவரில் ஒரு சிக்ஸர் 3 பவுன்ரிகள், 19வது ஓவரில் ஷர்துல் தாகூர் (ஆம் நம் சென்னையின் கர்ண பிரபுவே தான்) 3 பவுன்ரிகள் விளாசினார். தல தோனியின் ஸ்டையிலை பின்பற்றி டூப்பெளிஸியும் 20வது ஓவரின் முதல் பந்தில் சிக்ஸர் அடிக்க சென்னை சூப்பர் கிங்ஸ் அணி இன்னொறு முறை IPL போட்டிகளில் இறுதிச் சுற்றுக்கு முன்னேறியது.

இதோ அந்த கடைசி இரண்டுதிக் திக்ஓவர்கள்

யாராவது உங்களை “IPL என்றால் என்ன?” என்று கேட்டால் “A tournament where 7 teams fight each other to meet CSK in finals” என்று பதில் கூறலாம்.

இன்று நடக்கும் eliminator போட்டியில் வெற்றி பெறும் அணியை ஹைதராபாத் கொல்கத்தாவில் அடுத்து சந்திக்கவிருக்கின்றது. இந்த  போட்டிகளை சென்னை கூர்ந்து கவனித்து தன் யுக்திகளை நிர்ணயிக்கும்.

இன்று தெற்கு ஆப்ரிக்கா கிரிக்கெட் வீரர் “Mr. 360 degree” டிவில்லியர்ஸ் தன் ஓய்வை அறிவித்தது கொஞ்சம் அதிர்ச்சியான செய்தியாக இருந்ததுஅடுத்த வருசம் உலகப்கோப்பை போட்டிகள் இருக்கு, விளையாடி கோப்பைய ஜெய்ச்சுட்டு ஓய்வெடுக்கலாமே தல என்று ட்விட்டரில் ரசிகர்கள் உருகினர். Cricket world will certainly miss you sir! Royal salute to the most loved cricketer in the world! சென்று வாருங்கள் டிவில்லியர்ஸ்.

dd5htkgvaaecbvx

சென்னை அணிக்காகவும், டிவில்லியர்ஸுக்காகவும் ஒரு சூப்பர் விசிலுடன்.

முந்திய பகுதிகள்:
IPL விசில் போடு – 11: சிங்கமொன்று புறப்பட்டதே…
IPL விசில் போடு – 10: And the Juggernaut rolls on…
IPL விசில் போடு – 9: Kings, for a reason
IPL விசில் போடு – 8: Paradise lost… Paradise regained
IPL விசில் போடு – 7: The name is Dhoni
IPL விசில் போடு – 6: ஆந்திர ஆவக்காயும் சுவையானதே!
IPL விசில் போடு – 5: பைசா வசூல்!
IPL விசில் போடு – 4: கெட்டாலும் மேன்மக்கள் மேன்மக்களே
IPL விசில் போடு – 3
IPL விசில் போடு -2 : திரும்பி வந்துட்டேன்னு சொல்லு!
IPL – விசில் போடு – 1

ஹரிஹரன்: சொந்த ஊர் சென்னை. படித்தது கோவையில். வேலை சிங்கையில். வேலை நேரம் போக நாடி நரம்பில் ஊறியிருப்பது கிரிக்கெட். நாவல், சிறுகதையிலும் சிறிது நாட்டம். விருப்பி வாசிப்பது Sidney Sheldon மற்றும் இந்திரா சொளந்திரராஜன்.

IPL விசில் போடு – 11: சிங்கமொன்று புறப்பட்டதே…

ஒரு வழியாக லீக் சுற்று போட்டிகள் முடிவடைந்து ப்ளேஆஃப் சுற்று போட்டிகள் தொடங்கவுள்ளன. Amidst all the drama, intensity and anxiety the top 4 teams have qualified for the knockoff! கடைசி கட்ட போராட்டங்களுக்கும் எதிர்ப்பார்புகளுக்கும் ரசிகர்களூம் அணிகளும் தயாராகிவிட்டன. இந்த வார போட்டிகள் அனைத்தும் அதிரடி பைசா வசூல். புள்ளிகளை அதிகரிக்கவெண்டும் என சில அணிகள் போராட, தான் போட்டியில் நிலைக்க மற்ற அணிகளின் முடிவுகளை எதிர்நோக்கி சில அணிகளும் காத்திருக்க கடைசி போட்டியின் 16வது ஓவர் வரை ப்ளேஆஃப் சுற்றுக்கு தகுதி பெரும் அணி எதுவாக இருக்கும் என ரசிகர்களை ஈர்க்க வைத்தது இந்த வருட IPL.

வார தொடக்கத்திலேயே சன்ரைசர்ஸ் மற்றும் சென்னை சூப்பர் கிங்ஸும் ப்ளேஆஃப் தகுதிசுற்றுக்கு முன்னேற, 3வது மற்றும் 4வது இடத்துக்கு கடும் போட்டி. எஞ்சி இருந்த 2 இடங்களுக்கு டெல்லி அணியைத்தவிர மற்ற 5 அணிகளும் கடுமையாக மோதின.   And here is how the tournament unfolded:

மே 19: கோல்கத்தா அணியின் judgement day. ஹதராபாதில் நடந்த சன்ரைசர்ஸ் அணிக்கெதிரான போட்டியில் 5 விக்கட்டுகள் வித்தியாசத்தில் வெற்றிபெற்று ப்ளேஆஃப் சுற்றுக்கு தகுதிபெற்றது. தமிழக வீரர் தினேஷ் கார்த்திக்கை சென்னை நம்பியதோ இல்லையோ, ஆளப்போறான் தமிழன் என்று கொல்கத்தா நம்பியது வீண்போகவில்லை. இத்தனை போட்டிகளில் சிறப்பாக விளையாடிய போதும் இந்திய அணியில் இடம்பெறாதது வெறும் அரசியல்.

நம்ம நாட்ல ஒரு பக்கம் அரசியல்வாதிங்க விளையாடராங்க, இன்னொரு பக்கம் விளையாட்ல அரசியல். இது மாறாத வரைக்கும் இரண்டும் உருப்படாது.

என்ற சாமானியனின் குரலில் நியாயம் இருக்கவே செய்கிறது.

மே 20:  லீக் சுற்றின் கடைசி நாளான நேற்று மும்பை அணிக்கு வாழ்வா சாவா என்ற நிலை. போட்டியை வென்றாக வேண்டிய கட்டாயத்தில் களமிறங்கிய மும்பை அணியின் சவப்பெட்டியில் கடைசி ஆணியை அடித்தது டெல்லி அணி. 175 என்ற கடினமான இலக்குடன் களமிறங்கிய மும்பையின் ஸ்டார் ஆட்டக்காரர்கள் ஒவ்வொருவரும் சொற்ப்ப ரன்களூக்கு ஆட்டமிழந்தனர். 18வது ஓவரை வீச வந்த லியம் ப்ளங்கெட் இந்த நாளை மறக்க நாட்களெடுக்கும். மும்பையின் பென் கட்டிங் 3 சிக்ஸர்கள் 2 பவுன்ரிகள் என விளாசினாலும், கடைசி ஓவரில் ஹர்ஷல் பட்டேல் ஓவரில் அவுட்டானதும் மும்பையின் அத்தனை நம்பிக்கையும் சிதறியது.

பேட்டிங்கில் சூர்யகுமார் யாதவும், எவின் லூயிஸும் தவிர்த்து வேறு எந்த பேட்ஸ்மென்னும் இந்த வருடம் 300 ரன்களை தாண்டவில்லை. Just for comparison, இந்த வருடம் கொல்கத்தாவின் சுனில் நரேன் அடித்த ரன்கள் 327, மும்பையின் அணித்தலைவர் ரோஹித் சர்மா எடுத்தது 286 ரன்கள்.

Big names can only win matches but not the championship

என்ற கசப்பான உண்மையை உணர்ந்திருப்பார்கள்.

மும்பை இந்தியன்ஸ் வெளியேறியதை தொடர்ந்து ராஜஸ்தான் ராயல்ஸ் அணியின் ப்ளேஆஃப் வாய்ப்பு கிட்டத்தட்ட உறுதியானது. ரன்ரேட் விகிதத்தில் மிகவும் பிந்தங்கியிருந்த பஞ்சாப் அணிக்கும் சென்னை சூப்பர் கிங்ஸுகும் அதே நாளில் நடந்த கடைசி போட்டியில் சென்னை அணி வெற்றி பெற்றது. 160 என்ற சுலப இலக்கை நோக்கி விளையாடிய சென்னை அணியின் துவக்க ஆட்டக்காரர்கள் வெளியேறியதும் தல தோனி ஹர்பஜனையும் அவரை தொடர்ந்து தீபக் சகாரையும் அனுப்பியது utter chaos. அஷ்வின் முதற்கொண்டு அத்தனை பவுலர்களும் தலையை சொறிய தோனியின் யூகம் என்னவென்று தெரியாமல் குழம்பியது தான் highlight.

சென்ற வருடம் வரை டி20 போட்டிகளில் impact bowler ஆக வலம் வந்த அஷ்வினின் ஓவரில் தீபக் சகார் 3 சிக்ஸர்கள் அடித்தது அவரின் நம்பிக்கையை கொஞ்சம் ஆட்டங்கான வைத்திருக்கும். இந்த வருடம் ஆரஞ்சு தொப்பியை வென்ற பஞ்சாப் அணியின் ஆன்ரு டையின் 19வது ஓவரில் ரெய்னா 2 சிக்ஸர்களூம் 2 பவுன்ரிகளும் எடுத்தது speldid treat for eyes.

உங்க இலக்கை எட்ட தோனியோ ப்ராவாவோ ஜடேஜாவோ தேவையில்லை, எங்க ஹர்பஜனும் சகாரும் போதும் என்று அவர்களை அனுப்பி அவர்களூக்கும் ஒரு live practise கொடுத்தது அஷ்வினின் ego வை சீண்டிப் பார்த்திருக்கும்.

தீபக் சகாரின் ஆட்டத்தை பார்த்ததும், “நீ அடிச்சது பத்தாதுன்னு இன்னும் போக வர சின்ன பயலெல்லம் கூப்பிட்டு அடிச்சு பழகிக்க வேற சொல்லற. பழக இது என்ன உடம்பா இல்ல பள்ளிக்கூடமா? ஒன்னு கிடக்க ஒன்னு ஆகியிருந்தா இந்த டீமை யாரு காப்பாத்தறது, இவங்க family-ய யாரு மைண்டைன் பன்னறது. இரக்கமில்லையா உனக்குஎன்று நம்ம வடிவோலுவின் வண்டு முருகன் டயலாகை அணியின் முதலாளி ப்ரீத்தி ஜிந்தா சொல்வதாக உங்களுக்கு நினைவில் வந்தால் அதற்கு நாம் பொறுப்பாக முடியாது.

5 விக்கட் வித்தியாசத்தில் சென்னை அணி வெற்றி பெற, ப்ளேஆஃப் சுற்றுக்கு முன்னேறிய அணிகள் உறுதியானது:

ddqquxlu8aas1ab

Kudos to the CSK think tanks for believing in talents that no one believed.

மும்பை அணி வெளியேறியது மிக்க மகிழ்ச்சி என ப்ரீத்தி ஜிந்தா (விளையாட்டாக?) அரங்கத்தில் சொன்னது நேற்றைய ஹைலைட்.

எது எப்படியோ ஜாஸ் பட்லரும் பென் ஸ்டோக்ஸும் இல்லத நிலையில் ராஜஸ்தான் அணி ப்ளேஆஃப் சுற்றுக்கு தகுதி பெற்றது அதிர்ஷ்டமா? விடா முயற்ச்சியா? கடவுளின் அருளா? என நெட்டிசன்கள் திண்டுக்கல் லியோனின் தலைமயில் ஒரு சிறப்பு பட்டிமன்றமே நடத்திக்கொண்டிருக்க, அதையெல்லாம் பற்றி கவலைப்படாமல் அந்த வீரர்கள் கொண்டாடும் பதிவை அணி ட்விட்டரில் பதிய, மற்ற அணிகள், குறிப்பாக மும்பை அணி, காண்டாகி கொண்டிருப்பார்கள்.

இந்த வாரம் நடந்த மற்ற சுவாரஸ்யமான நிகழ்ச்சிகள் சில:

சன்ரைசர்ஸ் அணிக்கெதிரான போட்டியில் டிவில்லியர்ஸின் அபாரமான கேட்ச் நம் நினைவிலிருந்து மறைய நிறைய வருடங்களாகும். Against gravity, against all improbability, this catch is out of the world!

மும்பையின் ஹர்திக் பாண்டியாவும் பஞ்சாபின் கே.எல். ராகுலும் தங்கள் சட்டையை மாற்றிக்கொண்டது அதிரடி தூள்! பொதுவாக கிரிக்கெட் போட்டிகளில் இவ்வாறு வீரர்கள் தங்கள் சட்டையை மாற்றி உடுத்திக்கொள்வது அரிது, கால்பந்து போட்டிகளில் இவ்வாறு நடப்பது சகஜம். போட்டியைத் தாண்டி பிரியாத நட்பே ப்ரெண்ட்ஷிப்பா என்று உணர்த்தியது simply superb!

 

அதே போட்டியில் ரசிகர்களுக்கு தான் வென்ற போட்டி நாயகன் (man of the match) விருதை கொடுத்தார் கே.எல். ராகுல்.

When life throws a Rahul, make it KL and not Gandhi!

எப்படியோ அத்தனை சோதனைகளையும் கடந்து முதல் நான்கு அணிகளுக்கிடையே நடக்கும் ப்ளேஆஃப் சுற்றுப் போட்டிகள் நாளை தொடங்கவுள்ளன.

ddtrpinvmaaka-a

சென்னையின் ஆதிக்கம் தொடருமா? தல தோனி இன்னும் ஒருமுறை கோப்பையை வெல்வாரா? இன்னும் சில தினங்களில் இந்த கேள்விகளுக்கான பதில்கள் தெரியவரும். அதுவரை சென்னை சூப்பர் கிங்ஸுக்காக ஒரு பெரிய விசிலுடன்,

ஹரிஹரன்

முந்திய பகுதிகள்:
IPL விசில் போடு – 10: And the Juggernaut rolls on…
IPL விசில் போடு – 9: Kings, for a reason
IPL விசில் போடு – 8: Paradise lost… Paradise regained
IPL விசில் போடு – 7: The name is Dhoni
IPL விசில் போடு – 6: ஆந்திர ஆவக்காயும் சுவையானதே!
IPL விசில் போடு – 5: பைசா வசூல்!
IPL விசில் போடு – 4: கெட்டாலும் மேன்மக்கள் மேன்மக்களே
IPL விசில் போடு – 3
IPL விசில் போடு -2 : திரும்பி வந்துட்டேன்னு சொல்லு!
IPL – விசில் போடு – 1

ஹரிஹரன்: சொந்த ஊர் சென்னை. படித்தது கோவையில். வேலை சிங்கையில். வேலை நேரம் போக நாடி நரம்பில் ஊறியிருப்பது கிரிக்கெட். நாவல், சிறுகதையிலும் சிறிது நாட்டம். விருப்பி வாசிப்பது Sidney Sheldon மற்றும் இந்திரா சொளந்திரராஜன்.

IPL விசில் போடு – 10: And the Juggernaut rolls on…

நேற்று பூனாவில் நடைபெற்ற சன்ரைசர்ஸ்க்கெதிரான போட்டியில் 8 விக்கெட் வித்தியாசத்தில் சென்னை சூப்பர் கிங்ஸ் அணி வெற்றிபெற்றது.

Following the recent trend, வெற்றி தோல்வி என மாறி மாறி கண்ணாமூச்சி காட்ட, சென்னை அணி 11ஆம் தேதி ஜெய்பூரில் நடந்த போட்டியில் ராஜஸ்தான் ராயல்ஸ் அணியிடம் தோல்வியடைந்தது. டாஸில் வென்ற தொனி ஆச்சரியமாக பேட்டிங் தெர்வுசெய்தார். அணியின் management அறிவுரை என்றார். வேண்டா வெறுப்பாக ஒப்புக்கொண்டது முகத்தில் அப்பட்டமாகத் தெரிந்தது. பிட்சில் ஏகப்பட்ட விரிசல்கள் இருப்பது ஒரு காரணமாக இருக்கலாம். பின்னர் பவுலிங் செய்ய வரும்போது சுழல்பந்து வீரர்களுக்கு சாதகமாக இருக்கும் என்ற ஒரு காரணமாகவும் இருக்கலாம்.

Par score 160 என்று இருக்கையில் சென்னை அணி 176 ரன்கள் எடுத்தது. இதில் ராஜஸ்தான் அணி தானமாக கொடுத்த 10 வைட் ரன்கள் அடக்கம். தொடர்ந்து பேட்டிங் செய்த வந்த ராஜஸ்தான் அணியின் ஜாஸ் பட்லர் முதல் மூன்று பந்தில் 3 பவுன்ரிகள், அடுத்து  ஓவரிலும் 2 பவுன்ரிகள் 1 சிக்ஸர் என அதிரடி துவக்கம் தந்தார். பவர் ப்ளேவின் முடிவில் 52 ரன்கள் குவிக்க ஆட்டம் சூடுபிடித்தது. நடுவில் கொஞ்சம் விக்கட்டுகள் விழ கடைசி 3 ஓவரில் 38 ரன்கள் தேவையிருக்க ப்ராவாவோனின் ஓவரில் தோனி ஒரு கடினமான கேட்சை தவறவிட்டார். கடைசி 2 ஓவரில் 28 ரன்கள் தேவையிருந்தது.

டி20 போட்டிகளில் கடைசி 5 ஓவர்களை death overs என்பார்கள். இந்த ஓவர்களில் ஆட்டத்தின் போக்கே மாற வாய்ப்புண்டு. 19வது ஓவரை வீச வந்த டேவிட் வில்லி எவ்வளவு சீக்கிரம் முடியுமோ அவ்வளவு சீக்கிரம் இந்த போட்டியை மறக்க முயலுவார். கர்னாடகா ரஞ்சி வீரர் கிருஷ்ணப்பா கௌதம் 2 சிக்ஸர்கள் விளாச, ராஜஸ்தான் ராயல்ஸ் அணி அந்த ஓவரில் மொத்தம் 16 ரன்கள் குவித்தது. கடைசி ஓவரில் 12 ரன்கள் தேவை என்ற நிலையில் ப்ராவோவின் ஓவரில் ஜாஸ் பட்லர் ஒரு இமாலய சிக்ஸருடன் 2 ரன்களாக மூன்று முறை எடுக்க ராயல்ஸ் அணி வெற்றி இலக்கை எட்டியது.

You can’t win just because you are talented, you need to execute well.

சென்னை அணி இதை நன்றாக உணர்ந்திருக்கும். வழக்கமாக உணர்ச்சிவசப்படாத Captain Cool தோனி அன்று பேட்டியில் சென்னை அணி பவுலர்களை வருத்தெடுத்ததை பார்த்த பலரின் புருவங்கள் உயர்ந்திருக்கும்.

Will Dhoni’s reaction fire up the CSK bowlers என்ற கேள்வியுடன் ஆரம்பித்த சன்ரைசர்ஸ் அணிக்கெதிரான இன்றைய போட்டி மற்றொறு masterclass.  Not just a contest between table toppers, but a contest between the best bowling unit and the best batting unit என்பதால் சுவாரசியத்திர்க்கு பஞ்சமில்லை.  டாஸ் வென்ற தோனி வழக்கம் போல் பவுலிங் தேர்வு செய்தார். காயம் காரணமாக ஒதுங்கியிருந்த தீபக் சகார் உள்ளே வர பவுலிங் கொஞ்சம் வலுவடைந்தது.

ஆரம்பமே அமர்க்களமாக அமைய நான்காவது ஓவரில் தீபக் சகாரின் பந்தில் அலெக்ஸ் ஹால்ஸ் அவுட். இரண்டாவது விக்கட்டுக்கு தாவனும் சன்ரைசர்ஸ் அணியின் கேப்டன் வில்லியம்சன்னும் சேர்ந்து 123 ரன்கள் குவித்தனர். நியுசிலாந்து வீரர் கேன் வில்லியம்சன் இன்னொரு Mr. Cool. மிக துல்லியமான திட்டமிடல், தன் அணி வீரர்களின் திறமையை முழுவதும் பயன்படுத்திக்கொள்ளும் ஆற்றல், அலட்டிக்கொள்ளாத attitude என்று கேப்டன் பதவிக்கான முழுத்தகுதியும் உள்ளவர்.

நம் எம்.ஜி.யாரைப் போல் ஓடி ஓடி உழைக்கனும் என்று பாடியவாரே விளையாடுவார் என்று நினைக்கத் தோன்றும்.

ஸ்டைர்க் ரேட் 130 முதல் அதிகபட்சமாக 135 இருக்கும். ஆனால் பவுண்ரிகளும் சிக்ஸர்களூம் அதிகம் இருக்காது. பல சந்தர்ப்பங்களில் டேவிட் வார்னரை விட மிக சிறப்பாக அணியை வழிநடத்துகிறார். இன்னிங்ஸ் முடிவில் சன்ரைசர்ஸ் அணி 179 ரன்கள் குவித்திருந்தது.

பின்னர் விளையாட வந்த சென்னை அணியின் துவக்க ஆட்டக்காரர்கள் ராயுடுவும் வாட்சனும் மிகச் சிறந்த ஆட்டத்தை வெளிப்படுத்தினர். ஆந்திராவுக்கே  கோங்குராவா என்று அம்பத்திபாகுபலிராயுடு வந்த ஓவ்வொறு பந்தையும் திருப்பதி லட்டாக மாற்றியது தான் highlight. ஒரு பக்கம் வாட்சன் விளாச மறுபக்கம் சன்ரைசர்ஸ் அணியின் ஒவ்வொறு ஸ்டார் பவுலர்களையும் பதம் பார்த்தார். 7 பவுண்ரிகளும் 7 சிக்ஸர்களும் பறக்க வெறும் 62 பந்துகளில் டி20 போட்டிகளில் தனது முதல் சதத்தை அடித்தார்.

சென்னை அணியைப் பொருத்தவரை மும்பை இந்தியனஸ் அணியிடமிருந்துகளவாடியவீரர்கள் அனைவரும் மிகச் சிறந்த வீர்களாக உருமாரியது கொஞ்சம் அதிசயம். ப்ராவோ, டுவைன் ஸ்மித், ராயுடு, ஹர்பஜன் சிங் என அனைவரும் சென்னை சூப்பர் கிங்ஸை பொருத்தவரை low capital with high returns என்ற முதலீடு வகையைச் சேர்ந்தவர்கள். யாரும் சோடை போனதில்லை.

எந்த ஒரு நிறுவனம் தன் ஊழியர்கள் மீது உண்மையான நம்பிக்கை வைத்து ஊக்கமும் அளிக்கின்றதோ அந்த அளவுக்கு அந்த ஊழியர்கள் தங்கள் திறனை வெளிக்கொணர்வார்கள்.

இதற்கு சென்னை அணியும் ராயுடு, வாட்சன் போன்ற வீரர்கள் சிறந்த உதாரணம். தோனியும் தன் பங்கிற்க்கு ஒரு பவுண்ரியும் சிக்ஸரும் தெரிக்க விட, சென்னை அணி 8 விக்கட்டுகள் வித்தியாசத்தில் வெற்றி பெற்றது.

ddfsmuoxkaepamy

சன்ரைசர்ஸ் அணியைப் பொருத்த வரை புவனேஷ்வர் குமார், சந்தீப் சர்மா, ரஷீத் கான், சித்தார்த் கவுல் என IPL போட்டிகளின் ஆகச் சிறந்த பவுலர்கள் இருந்தாலும் இந்த வருடத்தில் அவர்களுக்கெதிறாக மூன்று அணிகளின் வீரர்கள் (க்ரிஸ் கெய்ல், ரிஷப் பந்த், அம்பத்தி ராயுடு) சதமடித்திருப்பது விசித்திரம்.

கிட்டத்தட்ட ப்ளேஆஃப் சுற்றுக்கு தேர்வான நிலையில், இதே நாளில் நடந்த மற்றொறு போட்டியில் ராஜஸ்தான் ராயல்ஸ் அணி மும்பை இந்தியன்ஸ் அணியை வென்றதன் மூலம் சென்னை அணி தனது ப்ளேஆஃப் தேர்வை உறுதி செய்ததுசூரியன் கிழக்கில் உதிக்காமல் கூட போகலாம் ஆனால் சென்னை சூப்பர் கிங்ஸ் அணி ப்ளேஆஃப் சுற்றுக்கு தகுதி பெறாமல் போகாது என்று ரசிகர்கள் ட்வீட்டியது நியாயமானதே.

For yet another clinical performance, சென்னை அணிக்கும் ராயுடுவுக்கும் ஒரு சூப்பர் விசிலுடன்,

ஹரிஹரன்

முந்திய பகுதிகள்:
IPL விசில் போடு – 9: Kings, for a reason
IPL விசில் போடு – 8: Paradise lost… Paradise regained
IPL விசில் போடு – 7: The name is Dhoni
IPL விசில் போடு – 6: ஆந்திர ஆவக்காயும் சுவையானதே!
IPL விசில் போடு – 5: பைசா வசூல்!
IPL விசில் போடு – 4: கெட்டாலும் மேன்மக்கள் மேன்மக்களே
IPL விசில் போடு – 3
IPL விசில் போடு -2 : திரும்பி வந்துட்டேன்னு சொல்லு!
IPL – விசில் போடு – 1

ஹரிஹரன்: சொந்த ஊர் சென்னை. படித்தது கோவையில். வேலை சிங்கையில். வேலை நேரம் போக நாடி நரம்பில் ஊறியிருப்பது கிரிக்கெட். நாவல், சிறுகதையிலும் சிறிது நாட்டம். விருப்பி வாசிப்பது Sidney Sheldon மற்றும் இந்திரா சொளந்திரராஜன்.

போராடுவோம்

இருட்டில் வாழ்கிறாய் நீ
குருட்டு நம்பிக்கையோடு
வெளிச்சம் தேடித் தேடி
வெறகில் வெந்து சாவாய்
காணிக்கை பேரில் இங்கு
கல் சிலைக்கு
லஞ்சம் கோடி
கோடி குமியுது
உண்டியலில்
நாட்டில் ஆனால் பஞ்சம்

நிற்த்தாலும் மதத்தாலும்
பிரிந்துவிட்டோம்
மனிதாபிமானத்தை
நாமெல்லாம்
மறந்துவிட்டோம்
காசின் திருவிளையாடல் கண்டு
நாம் மயங்கி விட்டோம்
அடையாளம் நாம்
தொலைத்துவிட்டோம்
உரிமையை
இழந்துவிட்டோம்
நாம் இறந்துவிட்டோம்

அலட்சியம்
ஏழையின் உயிரென்றால்
அலட்சியம்
பணந்தான் நோயின்
மருத்துவம்
மருத்துவமணையின் அரசியல்

உதவிசெய்யத் தகுதி இருந்தும்
ஊனமாக நிற்கிறாய்
ஊனமாக நிற்கிறாய்
ஊனமாக நிற்கிறாய்
ஊமைகள் வாழுமிடத்தில்
வார்த்தைகளை விற்கிறாய்
வார்த்தைகளை விற்கிறாய்

நிலம் நீர் எங்கள் உரிமை
போராடுவோம்
எங்கள் வறுமைகள் ஒழிய
போராடுவோம்
புது புரட்சி உருவாக்கப்
போராடுவோம்
எங்கள் தலைமுறை காக்கப்
போராடுவோம்
எங்கள் கண்கள் தூங்கும் வரைப்
போராடுவோம்
எங்கள் இறுதி மூச்சுவரைப்
போராடுவோம்

போராடுவோம்
போராடுவோம்
போராடுவோம்
நாங்கள்
போராடுவோம்

*
ரஞ்சித்து ஆசம்யா ஆசம்..#காலா

IPL விசில் போடு – 9: Kings, for a reason

நேற்று பூனாவில் நடைபெற்ற ராயல் சாலஞ்சர்ஸ் பெங்களூருக்கெதிரான போட்டியில் 6 விக்கெட் வித்தியாசத்தில் சென்னை சூப்பர் கிங்ஸ் அணி வெற்றிபெற்றது.

முன்பு 3ஆம் தேதியில் கோல்கத்தாவுக்கெதிரான போட்டியில் 6 விக்கட் வித்தியாசத்தில் கோல்கத்தா நைட் ரைடர்ஸ் அணி சென்னை சூப்பர் கிங்ஸ் அணியை வென்றது. Yet another sublime perfornance from the Kolkata boys! கிட்டத்தட்ட ஏனோ தானோ என்று விளையாடியது சென்னை. 20 ஓவர்களில் 177 ரன்களை மட்டுமே சென்னை அணியால் எடுக்க முடிந்தது. 6 விக்கெட்டுகள் வித்தியாசத்தில், சென்னை அணியின் புது கர்ணப்பிரபு ஆசிப் தயவில், 18வது ஓவரில் கொல்கத்தா அணி வெற்றிவாகை சூடியது.

8 வருடங்களாயினும் mystery spinner ஆகவே வலம் வரும் சுனில் நரேன், நிடஹாஸ் கோப்பைக்கு பின் மிகுந்த எதிர்பார்ப்புடன் விளையாடும் தினேஷ் கார்திக், அணியின் ஆணிவேராக ஆன்ரே ரசில், 19 வயதுக்கு உட்பட்ட உலகப்கோப்பை கதாநாயகர்கள் சிவம் மவி மற்றும் ஷுப்மன் கில் என அந்த அணியில் ஹீரோக்களுக்கு பஞ்சமில்லை. ஓவ்வொரு போட்டிகளிலும் determination தெரிகிறது. Not just on the papers, களத்திலும் ஒரு balanced அணியாக விளையாடுகிறார்கள்.

இந்த IPL போட்டிகள் கிரிகெட்டையும் மட்டுமல்ல சிலசமயம் வாழ்க்கை பாடத்தையும் சேர்த்தே சொல்லித்த்தருகிறது.

கோல்கத்தா அணியின் புதுவரவு ரிங்கு சிங். உத்திரப்பிரதேச ரஞ்சிக் கோப்பை பேட்ஸ்மேன். அப்பா வீட்டுக்கு வீடு எரிவாயு சிலிண்டர் எடுத்துச் செல்லும் சாதாரண ஊழியர். திருமண வயதில் மகள். வருமானம் பெரிதாக இல்லாவிட்டாலும் மகனின் ஆர்வத்தையும் திறமையும் அறிந்து தான் கஷ்டபட்டாலும் பரவாயில்லை மகனின் வாழ்க்கை சிறக்க வேண்டும் என்று நினைக்கும் typical middle class அப்பா. இம்மாதிரியானவர்களை பார்க்கும் போது நல்லா விளையாடுயா என்று எதிரணி ரசிகர்கள் கூட ஆதரிப்பார்கள். கஷ்டப்பட்டு அடிமட்டத்திலிருந்து மேலெழும்பி வந்தவர்களின் டிசைன் அப்படி.

நேற்றைய சென்னை சூப்பர் கிங்ஸுக்கும் ராயல் சாலஞ்சர்ஸ் அணிக்கும் இடையே நடந்த போட்டி தனிரகம். சென்னை ரசிகர்கள் BP மாத்திரையுடன் போட்டிகளை காணவந்தது சசிக்காமல், பொருத்தது போதும் மனோகரா பொங்கி எழு என்று தோனி வசனம் சொன்னாறோ என்னவோ, சென்னையின் சர் ஜடேஜாவும் அணியின் புது தமிழ் புலவர் ஹர்பஜனும் பெங்களூர் பேட்ஸ்மென்களை பந்தாடினர்.

சென்னை அணியில் டூப்ளெசி, கரண் சர்மா, ஆசிப் ஆகியோருக்கு பதில் டேவிட் வில்லி, பழைய கர்ண பிரபு சர்துல் தாகூர் மற்றும் துருவ் ஷோரே. டாஸ் வென்ற தோனி பவுலிங் தேர்வு செய்தார். கிட்டத்தட்ட எல்லா அணிகளும், போட்டி எங்கு நடந்தாலும் சரி, டாஸ் வென்றவுடன் பவுலிங் தேர்வு செய்வது வழக்கமாகிவிட்டது.

டாஸ் ஒன்றே போட்டியின் முடிவுகளை நிர்ணயுக்குமாயின் அந்த போட்டியில் யார் விளையாடினால் என்ன என்ற கேள்வியே பலர் மனதில் இப்போது.

ராயல் சாலஞ்சர்ஸ் அணியில் டிகாக்குக்கு பதிலாக டிவில்லியர்ஸ். புது தெம்புடன் கலக்குவார் என்று எதிர்பார்புடன் காத்திருந்த ரசிகர்களூக்கு ஏமாற்றமே. மெக்கல்லம் சொற்ப்ப ரன்களுக்கு ஆட்டம் இழக்க, கோலி ஜடேஜாவின் முதல் பந்தில் கிளீன் போல்ட். உண்மையிலேயே நாம் தான் விக்கெட் எடுத்தோமா என்று அதிர்ச்சியில் இந்த விக்கெட்டை கொண்டாடுவதா வேண்டாமா என்று திருதிருவென விழித்த ஜடேஜாவின் நிலைமை பரிதாபமாக இருந்தது.

வெளிய வா, கவனிக்கறேன் என்பது போல் கோலி முறைக்க, நான் இல்லீங்க அண்ணா என்று ஜடேஜா பார்வையால் கெஞ்ச, தொலைக்காட்சி வர்ணணையாளர்கள் முதல் கடைக்கோடி ரசிகர்கள் வரை டிவிட்டரிலும் முகநூலிலும் ஜடேஜாவை வைத்து ஒரு நையாண்டி தர்பாரே நடத்தினர்.

பார்தீவ் பட்டேல் மற்றும் டிம் சவுத்தி தவிர்த்து அனைவரும் ஒரு இலக்க ரன்களுக்கு ஆட்டமிழந்தனர். இந்திய காப்டனின் அணி இப்படி IPL போட்டிகளில் கைப்பிள்ளை போல் இருப்பது ஆச்சரித்திலும் ஆச்சரியம். Stronger in papers but a punch bag in field doesn’t suit you RCB! வெறும் மூன்று பேட்ஸ்மென்களை வைத்து போட்டிகளில் வெற்றி பெறுவது எப்படி தல என்றுசில பெங்களூர் ரசிகர்கள் சமூகவளைதளங்களில் புலம்புவது நியாமாகவே தோன்ருகிறது. Poor playing XI selection, not being able to manage the given resources, not being able to guide the team to victory என்று கேப்டன் கோலியின் மேல் ஏகப்பட்ட புகார்கள். இதையெல்லாம் தாண்டி கோலிக்குள் இருக்கும் பேட்ஸ்மெனும் அவதிக்குள்ளாவது தான் பரிதாபம்.

அடுத்து வந்த டிவில்லியர்ஸும் ஹர்பஜன் பந்தில் ஆட்டமிழந்தார். மியூச்சுவல் பண்ட் விளம்பரத்தின் இறுதியில் வரும் “Mutual Fund Investments are Subjected to market risk” என்று சொல்பவரின் வேகத்தை விட தோனி வேகமாக ஸ்டம்பிங் செய்தார். With a reaction timeof 0.16 seconds, தோனியின் வேகம் சிலிர்க்க வைக்கிறது.

dccbmf6wkaa3qyw

கொலி மற்றும் டிவில்லியர்ஸ்ஸின் விக்கெட் விழுந்தவுடன் கிட்டத்தட்ட 8 ஓவருக்குள்ளேயே ஆட்டம் முடிந்தது என்று ரசிகர்கள் ஆர்பரித்தனர். 20ஆம் ஓவரின் முடிவில் ராயல் சாலஞ்சர்ஸ் அணி வெறும் 127 ரன்கள் மட்டுமே எடுத்திருந்தது. பின்னர் வந்த சென்னை துவக்க ஆட்டக்காரர்கள் முன்பு போல் சிறப்பாக விளையாடவில்லை. உமேஷ் யாதவும் செகாலும் மிகச் சிறப்பாக பந்து வீசினர்.

ராயுடுவுன் ரெய்னாவும் ஒரளவு போட்டியை கட்டுக்குள் கொண்டுவர கடைசி 3 ஓவர்களில் 22 ரன்கள் தேவையாக இருந்த போது கொண்டுவந்த BP மாத்திரைகளை சென்னை ரசிகர்கள் எடுக்க தயாரானார்கள். அதுக்கெல்லாம் அவசியம் இல்லை என்று போல 18ஆவது ஓவரை வீச வந்த செகாலை தோனி பதம் பார்த்தார். இரண்டாவது பந்தில் அடித்த சிக்ஸர் மிட்விக்கெட் பவுண்ரியை தாண்டி ரசிகர்களிடம் சிக்கியது. மூன்றாவது பந்து வைட். ஒரு சுழர் பந்து வீரர் வைட் பந்து வீசுவது கிரிமினல் குற்றமாகவே பார்க்கபடுகின்றது. கோலிடம் அதிகாரம் இருந்தால் செகலை 7 வருடம் கடுங்காவல் சிறையில் தள்ளுவார் போலும். அடுத்து வந்த நான்காம் ஐந்தாம் பந்துகளும் சிக்ஸர்களாக பறக்க, கடைசி பந்தில் ப்ராவோ சிங்கிள் எடுக்க, சென்னை தன் அபிமான எதிரியை 6 விக்கெட் வித்தியாசத்தில் தோற்கடித்தது.

dccbo4pxuaexnry

Technically a win or two should guarantee CSK to playoffs, ஆனால் ரசிகர்களை பொருத்தவரையில் யாரிடம் ப்ளேஆப் போட்டிகளில் விளையாடப் போகிறோம் என்றே பேச்சு. ஜடேஜாவும் ஹர்பஜனும் சேர்ந்து கூட்டாக 5 விக்கெட்டுகளை எடுத்தது சென்னைக்கு பெரிய ஆருதலாக இருக்கும். புது வரவு டேவிட் வில்லி மிக வேகமாக அதே சமயம் துல்லியமாக பந்துவீசுகிறார். இருந்தாலும் பவுலிங் விஷயத்தில் consistant ஆக இருப்பார்களா என்பதை அடுத்து வரும் சில போட்டிகளின் முடிவுகள் சொல்லும்.

சென்னையின் அடுத்த போட்டிக்கு இன்னும் ஐந்து நாட்கள் இருக்க இந்த இடைப்பட்ட காலத்தில் மற்ற அணிகள் எவ்வாறு விளையாடுவார்கள் என்பதை சென்னை அணி மட்டுமில்லாது ரசிகர்களும் ஆவலுடன் எதிர்ப்பார்கள். அதற்கேற்றவாறு சென்னை அணியும் தன் வியூகங்களை மாற்றும் என்று எதிர்ப்பார்க்கலாம்.

அதுவரை, சர் ஜடேஜாவுக்காகவும் ஹர்பஜனுக்காகவும் சூப்பர் விசிலுடன்,

ஹரிஹரன்

முந்திய பகுதிகள்:
IPL விசில் போடு – 8: Paradise lost… Paradise regained
IPL விசில் போடு – 7: The name is Dhoni
IPL விசில் போடு – 6: ஆந்திர ஆவக்காயும் சுவையானதே!
IPL விசில் போடு – 5: பைசா வசூல்!
IPL விசில் போடு – 4: கெட்டாலும் மேன்மக்கள் மேன்மக்களே
IPL விசில் போடு – 3
IPL விசில் போடு -2 : திரும்பி வந்துட்டேன்னு சொல்லு!
IPL – விசில் போடு – 1

ஹரிஹரன்: சொந்த ஊர் சென்னை. படித்தது கோவையில். வேலை சிங்கையில். வேலை நேரம் போக நாடி நரம்பில் ஊறியிருப்பது கிரிக்கெட். நாவல், சிறுகதையிலும் சிறிது நாட்டம். விருப்பி வாசிப்பது Sidney Sheldon மற்றும் இந்திரா சொளந்திரராஜன்.

IPL விசில் போடு – 8: Paradise lost… Paradise regained

Master of heart beat has done it again. பூனாவில் நடைபெற்ற டில்லிக்கெதிரான போட்டியில் 13 ரன்கள் வித்தியாசத்தில் சென்னை சூப்பர் கிங்ஸ் அணி வெற்றிபெற்றது.

முன்பு 28ஆம் தேதியில் மும்பைக்கெதிறான போட்டியில் 8 விக்கட் வித்தியாசத்தில் மும்பை அணி இந்தியன்ஸ் அணி சென்னை சூப்பர் கிங்ஸ் அணியை வென்றது. பங்குபெற்ற 6 போட்டிகளில் 5 போட்டிகளில் தோல்வி என்ற நிலையில் கிட்டத்தட்ட இனி வரும் எல்லா போட்டிகளிலும் வெற்றி பெற வேண்டும் என்ற கட்டாயத்தில் களத்தில் இறங்கியது மும்பை. கறை நல்லது என்று தோனி முடிவெடுத்தாரோ என்னவோ! ஆட்டம் ஆரம்பம்ந்தொட்டு ஒரு தோய்வு இருந்தது உண்மை. The contest clearly lacked a punch. தோற்றாலும் பரவாயில்லை, lets give a chance to young talents என்று தோனி நினைத்திருக்கலாம். கடைசி 2 ஒவர்களில் 22 ரன்கள் தேவை என்ற நிலையில், சென்னை அணியின் கர்ண பிரபு சர்துல் தாக்கூர் 19ஆம் ஓவரில் தன் தயாள குணத்துடன் 17 ரன்களை வாரி வழங்கினார். கதம் கதம் முடிந்தது முடிந்தது என்று பாபா ரஜினியின் வசனத்துடன ரசிகர்கள் வெளியேற, மும்பை 2 பந்துகள் மீதமிருக்க வெற்றி கண்டது.

நேற்றைய போட்டியில் எதிர்பார்ப்புகள் கொஞ்சம் அதிகம். தொடர் தோல்விகளுக்கு பொறுப்பேற்று கம்பீர் அணித் தலைவர் பதவியிலிருந்து வெளியேர டில்லி அணிக்கு ஸ்ரெயஸ் ஐயர் புது காப்டனாக தேர்வு செய்யப்பட்டார். போட்டித்தொடரின் இடையே அணித்தலைவர் பொறுப்பு மாற்றப்படுவது இது முதல் தடவையல்ல. இருந்தாலும் கம்பீர் விஷயத்தில் கொஞ்சம் வித்தியாசம். களத்தில் இறங்கும் 11பேர் கொண்ட அணியிலிருந்தும் விலகி தன் வருட ஊதியம் (கிட்டத்தட்ட 2.8 கோடி) முழுவதும் அணிக்கு திருப்பி அளிக்க முடிவுசெய்துள்ளார். Take a bow Gambhir!

புது தலைவர் ஸ்ரேயஸ் ஐயர் பதவியேற்றதும் அதிரடி காட்டி கோல்கத்தா அணிக்கெதிரான போட்டியில் தனியொருவராக 93 ரன்கள் குவித்தார்.

சில நேரங்களில் சிலருக்கு பொறுப்புகள் அளிக்கப்படும் போது, அவர்கள் தங்களின் அணியை இன்னும் அடுத்த கட்டத்துக்கு எடுத்துச்செல்வார்கள்.

விராட் கோலி விஷயத்திலும் அவ்வாறே நடந்தது.

As the young guns lock horns with the old boys, போட்டியில் விறுவிறுப்புக்கு பஞ்சமிருக்காது என்ற எண்ணம் பொய்யாகவில்லை. டில்லி அணி அதே 11பேருடன் விளையாட, சென்னை அணியில் ஏகப்பட்ட மாற்றங்கள். தாகூர், பில்லிங்ஸ், தீபக் சகார் மற்றும் இம்ரான் தாஹீர் வெளியேற, லுங்கி, கே எம் ஆசிப், கரன் சர்மா, டூப்ளெசி உள்நுழைந்தனர். டாஸ் வென்ற ஸ்ரேயஸ் சென்னை அணியை பேட்டிங் செய்ய அழைத்தார்.

ஆரம்பமே அமர்களம் என்பது போல முதல் பந்திலேயே வாட்சனுக்கு life! அதன் பின் டூப்ளெசியும் சேர்ந்து கலக்க, பவர் ப்ளேயின் முடிவில் 56 ரன்கள் குவித்திருந்தது. டூப்ளெசியும் ரெய்னாவும் வெளியேற, அம்பத்தி “பாகுபலி” ராயுடு தன் பங்கிற்க்கு டில்லி பவுலர்களை பதம் பார்த்தார். Yet another master class from Dhoni – கடைசி 5 ஓவர்களில் மட்டும் 74 ரன்களை தோனியும் ராயுடுவும் குவித்தனர். Turning the clock என்பார்கள். தொனியின் விஷயத்தில் இந்த வாசகம் 100% பொருந்ததும். அடித்த 5 சிக்ஸர்களூம் simply brutal! ஏழு எட்டு வருடங்களூக்கு முந்திய தோனியை கண் முன் கொண்டுவந்தது. சில நேரங்களில் பேட்டின் நுனியில் பட்டு சிக்ஸர்கள் கிடைப்பதுண்டு. இவைகளை top edge என்பார்கள். அவ்வாறாக இல்லாமல் அத்தனையும் சரியான தீபாவளி சரவெடி.

ராயுடு IPL போட்டிகளுக்கு முன் தன் விக்கெட் யாருக்கும் கிடையாது, ரன் அவுட் தான் என்று வேண்டுதல்களோடு வந்தாரோ என்னவோ. கடந்த 4 போட்டிகளில் 3 முறை ரன் அவுட். அவ்வாறு அவுட் ஆகும் போதும் “பரவாயில்ல விடு தல, நீ நின்னு கலக்கு” என்று சொல்லாமல் சொல்லிச் செல்கிறார். இந்த ராயுடு புதுசு.

பார்ப்பவர்களுக்கு இது கிரிக்கெட் டீமா, அல்லது விக்ரமன் படமா என்ற சந்தேகம்.

அடுத்து பேட் செய்ய வந்த டில்லி போட்டியை தாரை வார்க்க தயாராக இல்லை. இரண்டு விக்கெட்டுகள் எடுத்தாலும், தாகூர் இல்லாவிட்டால் என்ன நானிருகிறேன் என்று தன் 3 ஓவர்களில் 43 ரன்களை கே.எம்.ஆசிப் தாராளமாக அள்ளி வழங்கினார். கேரளாவிலிருந்து புது வரவு. நம்மட போலர் வல்லிய போலர் என்ற நினைப்பிலிருந்த சேட்டன்களின் நினைப்பில் டில்லி வீரர்கள் கதக்களி ஆடியதை பார்க்க கொஞ்சம் பரிதாபமாகவே இருந்தது.

ஐந்தாவது விக்கடுக்கு ரிஷப் பந்தும் விஜய் சங்கரும் சேர்ந்து 88 ரன்கள் குவிக்க, சிக்ஸர்களூக்கும் பவுண்ரிகளூக்கும் பஞ்சமில்லை. Specialist death bowler ப்ராவொவையும் விட்டு வைக்கவில்லை. ஒரு பக்கம் ரிஷம் பந்த் 45 பந்துகளில் 79 ரன்கள் குவிக்க, 19வது ஓவரில் ப்ராவோவின் பந்துகளை சிக்ஸர்களாக விஜய் சங்கர் தெரிக்க விட, நிடஹாஸ் கோப்பையின் கெட்ட நிகழ்வுகள் ரசிகர்கள் மனதிலிருந்து அகலும் என்று நம்புவோமாக. கடைசி ஓவரில் 28 ரன்கள் தேவை என்ற நிலையிலும் விடாது முயர்ச்சித்த விஜய் சங்கர் கிட்டத்தட்ட வெற்றி பெறுவோம் என்ற நம்பிக்கையளித்தார். Well done young man! இந்தியாவின் அடுத்த தலைமுறை வீரர்கள் பளிச்சென்று தெரிகிறார்கள்.

dcfc4ocu0aaa5tc1

சென்னையை பொருத்தவரை லுங்கி நம்பிக்கையளிக்கிறார். ஹர்பஜன் விக்கெட் எடுக்காவிட்டாலும் ரன்களை அதிகம் கொடுக்கவில்லை – economy rate is not bad. மற்ற போலர்கள் அதிகம் சோபிக்க வில்லை. கரன் சர்மாவுக்கு ஒரு ஓவர் கூட கொடுக்கவில்லை. இந்த கேள்வியை கிரிக்கெட் வர்ணணையாளர்களூம் மறந்தது ஏனோ தெரியவில்லை! பவுலிங் மற்றும் பீள்டிங்கில் சென்னை அதிக கவனமாக இருக்க வேண்டும் – loopholes are getting bigger and bigger. ஒரு வேளை அடுத்த போட்டியில் டூப்ளெசிக்கு பதிலாக டேவிட் வில்லி களமிறங்கினால் நல்லதென தோன்றுகிறது.

வாட்சன் மற்றும் தல தோனியின் மற்றொறு கலக்கலான ஆட்டதிற்க்கும், table toppers சென்னை சூப்பர் கிங்க்ஸுக்கும் சேர்த்து,

ஒரு பெரிய விசிலுடன்,

ஹரிஹரன்

முந்திய பகுதிகள்:
IPL விசில் போடு – 7: The name is Dhoni
IPL விசில் போடு – 6: ஆந்திர ஆவக்காயும் சுவையானதே!
IPL விசில் போடு – 5: பைசா வசூல்!
IPL விசில் போடு – 4: கெட்டாலும் மேன்மக்கள் மேன்மக்களே
IPL விசில் போடு – 3
IPL விசில் போடு -2 : திரும்பி வந்துட்டேன்னு சொல்லு!
IPL – விசில் போடு – 1

ஹரிஹரன்: சொந்த ஊர் சென்னை. படித்தது கோவையில். வேலை சிங்கையில். வேலை நேரம் போக நாடி நரம்பில் ஊறியிருப்பது கிரிக்கெட். நாவல், சிறுகதையிலும் சிறிது நாட்டம். விருப்பி வாசிப்பது Sidney Sheldon மற்றும் இந்திரா சொளந்திரராஜன்.

IPL விசில் போடு – 7: The name is Dhoni

Yet another high scoring game! Yet another last over drama! சென்னை சூப்பர் கிங்ஸ் அணி தன் வெற்றிக் கொடியை பெங்களூரிவிலும் நாட்டியது.

எப்படி மும்பை இந்தியன்சுக்கு எதிரான போட்டியில் ஒரு பெரிய எதிர்பார்ப்பு இருக்குமோ, அவ்வாறே ராயல் சாலஞ்சர்ஸ் அணிக்கெதிரான போட்டிகளிலும் ஒரு பெரிய எதிர்பார்ப்பு இருக்கவே செய்யும். சார், ராயல் சாலஞ்சர்ஸ் அணிக்கும் பெங்களூருவுக்கும் என்ன சம்மந்தம்? யாராவது ஒரு கர்னாடகா ரஞ்சிக் கோப்பை வீரரை காட்டுங்கள் என்று நீங்கள் கேட்கலாம் – indeed you are right. கிட்டத்தட்ட எல்லா அணிகளும் இப்படித்தான். பெயரளவில் மட்டுமே தங்கள் ஊர்களை தாங்கி வருகின்றது. Welcome to IPL. அப்படியென்றால் சென்னை – ராயல் சாலஞ்சர்ஸ் போட்டிகளில் ஏன் சார் இவ்வளவு டென்ஷன்? தெரியவில்லை. ஒரு வேளை “அவங்க தண்ணி கொடுக்காத பசங்க சார்” என்று சென்னை ரசிகர்கள் விளக்கம் கொடுக்கலாம்.

எது எப்படியோ நேற்றைய ஆட்டம் ஒரு classic T20 battle. ஒரு டி20 போட்டியின் சாமுத்ரிகா லட்சனங்கள் அத்தனையும் அடக்கம். சிக்ஸரிகளும் பவுண்ரிகளும் பறக்க, சில ரசிகர்கள் பிராத்தனைகளில் இறங்க, கடைசி ஓவரில் டென்ஷன் ஏற, அந்த டெப்ஷனில் அம்பையர்கள் சொதப்ப, சிறாஜ் வைடாக பந்துகளை போட, போட்டி அதகளம்.

dbppis4u0aat55i

டாஸ் வென்ற தோனி பவுலிங் தேர்வு செய்தார். டூபெளசியும் கரன் சர்மாவும் வெளியேற, ஹர்பஜனும் இம்ரான் தாஹீரும் உள்நுழைந்தனர். ராயல் சாலஞ்சர்ஸ் அணியில் கிரிஸ் வோக்ஸுக்கு பதிலாக காலின் க்ராண்ட்ஹோம்.

ராயல் சாலஞ்சர்ஸ் அணியின் டிகாக்கும் டிவில்லியர்ஸ்ஸும் மிகச்சிறப்பாக விளையாடினர். சில பேட்ஸ்மென்களின் ஆட்டத்தை பார்க்கும் போது இவர்கள் கிரிக்கெட் விளையாடவே பிறந்தார்களா எனத்தோன்றும். விவியன் ரிச்சர்ட்ஸ், கவாஸ்கர், குண்டப்ப விஸ்வனாத், சச்சின் டெண்டுல்கர், கோலி வரிசையில் டிவில்லியர்ஸையும் சேர்க்கலாம்.

கர்ணன் கவச குண்டகங்களொடு பிறந்தது போல் இவர்கள் ஹெல்மெட் பேட் சகிதம் பிறந்தார்களோ என்னவோ.

டிவில்லியர்ஸ் அடித்த சிக்சர்கள் அனைத்தும்  நின்று பேசும் அவர் புகழை. அவர் அடித்த 8 சிக்ஸர்களில் ஒன்று அரங்கத்தின் வெளியே சென்று கானாமலே போனது. அனேகமாக பெங்களூரில் தடுக்கி விழுந்தால் தென்படும் ஏதாவது சாப்ட்வேர் இஞ்சினியர் மேல் விழுந்திருக்கலாம.

ஒரு சமயத்தில் சென்னை அணிக்கு இலக்கு 230லிருந்து 240 வரை இருக்கும் என்று கூட தோன்றியது. சரியான நேரத்தில் இம்ரான் தாஹீர் டிவில்லியர்ஸ் விக்கட்டை எடுக்க அட்டத்தின் momentum சற்று கட்டுக்குள் அடங்கியது. பின்னால் வந்த மந்தீப் சிங்கும் வாஷிங்டன் சுந்தரும் தன் பங்குக்கு விளாச 20ஆம் ஓவரின் முடிவில் ராயல் சாலஞ்சர்ஸ் அணி 205 ரன்கள் குவித்தது.

இந்த ரன் குவிப்பை வேறொறு கோனத்தில் பார்க்கும் போது டி20 போட்டிகள் கடந்த சில ஆண்டுகளில் கொண்டுவந்த பரிணாம வளர்ச்சிகள் தான் காரணமோ எனத் தோன்றுகிறது. சிறிய மைதானம், பவுலர்களுக்கு சற்றும் உதவாத பிட்ச், lightning fast outfield என அனைத்தும் பேட்ஸ்மென்களுக்கு ஆதரவான ஒரு அம்சங்கள். இதன் காரணமாக பெங்களூரு போன்ற மைதானத்தில் 190 என்பதே ஒரு par score. இதன் காரனமாக டி20 என்றால் என்ன? Is it a sheer exhibition of muscle strength? என்ற கேள்வி வராமல் இல்லை. இதன் அடுத்த பரிணாம நிலை என்னவாக இருக்கும் என்பதை யாரெனும் கணிக்க முடியுமா என்பதே அடுத்த கேள்வி. காலமே இதற்கு விடை கூறட்டும்.

dbtfcgmwkaizr4s

டி20 போட்டிகளில் திறமை இருந்தாலும் கொஞ்சம் அதிர்ஷ்டமும் வேண்டும். ராயல் சாலஞ்சர்ஸ் அணியைப் பொருத்தவரை சற்று அதிர்ஷ்ட்டமில்லா அணியென்றே தோன்றுகிறது. பூவோடு சேர்ந்த நாரும் மணம் வீசும் நாரோடு சேர்ந்த பூவும் நாரும் என்பதற்கேற்ப்ப கோலி, டிவில்லியர்ஸ் போன்ற தலை சிறந்த ஆட்டக்காரர்களின் முயற்சி அனைத்தும் வீனாவது கொஞ்சம் துரதிஷ்டம் தான்.

சென்னையின் வாட்சன், ரெய்னா, சாம் பில்லிங்ஸ் மற்றும் ஜடேஜா 9 ஓவர்களுக்குள் வெளியேற சென்னை 74 ரன்கள் மட்டுமே குவித்திருந்தது. ரசிகர்கள் முகத்தில் டென்ஷன் ஏற ஆரம்பித்தது. ஐந்தாவது விக்கட்டுக்கு ராயுடுவும் தோனியும் 100 ரன்கள் சேர்க்க ரசிகர்கள் கொஞ்சம் கூல் ஆனார்கள். கடைசி 5 ஓவர்களில் கிட்டத்தட்ட 70 ரன்கள் தேவையிருக்க தோனி தான் டி20 போட்டியின் முடிசூடா மன்னன் என மற்றொறு முறை அறிவித்தார். ஒவ்வொறு ஓவரிலும் கணக்காக இலக்கை வைத்து ரன் குவிக்க, சிக்ஸர்கள் பறக்க சின்னசாமி அரங்கமே அதிர்ந்தது.

தன் impact bowlers உமேஷ் யாதைவையும் செகாலையும் 13  ஓவருக்குள்ளேயே தங்களின் 4 ஓவர்களை முடித்தது ஏனென நெட்டிசன்கள் புலம்பாமல் இல்லை. சென்னையைப் போலவே ராயல் சேலஞ்சர் அணியின் பவுலிங் சொதப்பல்கள் அப்பட்டமாகவே வெளிப்பட்டது. 18வது ஓவரில் ராயுடு ரன் அவுட்டாக, காலன் கரிகாலன் ப்ராவோ தன் பங்கிற்க்கு 20வது ஓவரில் ஒரு பவுன்ரியும் சிக்சரும் விளாச, தோனி தன் trademark (2011ஆம் உலககோப்பை இறுதிப்போட்டி) ஷாட்டுடன் ஒரு சிக்ஸர் அடிக்க, இரண்டு பந்துகள் மீதமிருக்க சென்னை அட்டகாசமான வெற்றி கண்டது.

dbptclevmaanqp_

Nothing like beating the opponent in their own backyard!

சென்னை சூப்பர் கிங்ஸ் மறுபடியும் table toppers. தங்களின் தொடர் வெற்றியை தக்கவைக்க முனைவார்கள். ராயல் சாலஞ்சர் அணி playoff தகுதிசுற்றுக்கு தகுதிபெறுவது சந்தேகமே எனத்தோன்றுகிறது. கிட்டத்தட்ட பாதி போட்டிகள் முடிவடைந்த நிலையில் இனி எல்லா போட்டிகளிலும் வெற்றிபெற முனையவேண்டும்.

தல தொனியின் மற்றொறு கலக்கல் ஆட்டத்திற்காக ஒரு சுப்பர் விசிலுடன்,

ஹரிஹரன்

முந்திய பகுதிகள்:

IPL விசில் போடு – 6: ஆந்திர ஆவக்காயும் சுவையானதே!
IPL விசில் போடு – 5: பைசா வசூல்!
IPL விசில் போடு – 4: கெட்டாலும் மேன்மக்கள் மேன்மக்களே
IPL விசில் போடு – 3
IPL விசில் போடு -2 : திரும்பி வந்துட்டேன்னு சொல்லு!
IPL – விசில் போடு – 1

ஹரிஹரன்: சொந்த ஊர் சென்னை. படித்தது கோவையில். வேலை சிங்கையில். வேலை நேரம் போக நாடி நரம்பில் ஊறியிருப்பது கிரிக்கெட். நாவல், சிறுகதையிலும் சிறிது நாட்டம். விருப்பி வாசிப்பது Sidney Sheldon மற்றும் இந்திரா சொளந்திரராஜன்.